Berisha-Thaçi, drekë pune në Durrës
27/06/2010 15:15
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Kryeministri shqiptar, Sali Berisha dhe ai i Kosovës, Hashim Thaçi zhvilluan një drekë pune në Durrës, ku u diskutua për thellimin e bashkëpunimit në shumë fusha mes dy vendeve si dhe për vendimin e GJND-së.
Kryeministri Berisha foli për vendimin e GJND-së duke u shprehur i bindur se ai do të jetë pozitiv dhe do të shtojë njohjet e reja të shtetit të Kosovës.
“Jam i bindur që vendimi i Gjykatës Ndërkombëtare të Drejtësisë do të jetë pozitiv dhe do të shtojë njohjet e reja. Kosova është shndërruar në një faktor stabiliteti në rajon”, tha gjatë fjalës së tij kryeministri Berisha.
Nga Durrësi kryeministri shqiptar komentoi edhe deklaratën e kreut të PS-së, Edi Rama, i cili pak ditë më parë u shpreh se kreu i PPE-së, Zhozef Dol zhvilloi fushatë për Berishën.
“Zoti Dol zhvilloi fushatë për mua po aq sa të gjithë shqiptarët për heqjen e vizave”, deklaroi kryeministri Berisha.
Ndërkaq, nga ana e tij kryeministri Thaçi ritheksoi edhe njëherë se integriteti territorial i Kosovës është i pacënueshëm.
“Integriteti territorial i shtetit të Kosovës është i pacënueshëm”, u shpreh kreu i qeverisë së Kosovës, Hashim Thaçi.
Në takim merrnin pjesë edhe disa ministra nga të dyja vendet të cilët diskutuan për thellimin e bashkëpunimit mes dy vendeve në shumë fusha.
Top Channel
