Dule: Qeveri teknike dhe zgjedhje të reja
17/06/2010 19:40
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Për shkak të replikave të zgjatura në Parlament mes kryeministrit Sali Berisha dhe kryetarit të grupit socialist Gramoz Ruci, kryetari i PBDNJ-së Vangjel Dule nuk mundi të shprehet në seancën e 60 minutave të diskutimeve të lira.
Këtë ai e bëri më pas, në një komunikim me mediat të organizuar në selinë e partisë. Duke shprehur shqetësim për mungesën kompromisit, zoti Dule propozoi dorëheqjen e qeverisë, një qeveri teknike dhe zgjedhje të parakohshme.
“Përgjegjësi kryesor për jetën e komunitetit, për realizimin e ambicjeve strategjike të vendit është qeveria e zotit Berisha, e cila duhet të japë dorëheqjen. Menjëherë ajo duhet të nisë bisedimet për një qeveri teknike afatshkurtër për të realizuar përfitimin e heqjes së regjimit të vizave dhe marrjen e statusit të vendit kandidat. Në një kohë optimale, vendi duhet t’i drejtohet ballafaqimit të ri zgjedhor”, ka deklaruar Dule.
Zoti Dule bëhet kështu politikani i parë nga opozita që formulon hapur dhe në mënyrë eksplicite këto kërkesa, qe sipas tij do të ishin rrugëzgjidhja e krizës politike.
Top Channel
