Berisha: Shqiperia pranë BE-së

Sipas kryeministrit Berisha vleresimi është bërë në raportin e Drejtorisë së Përgjithshme për Cështjet e Ekonomisë dhe Financave në Bashkimin Europian, qe ka analizuar ecurine ekonomike te vendeve te rajonit. Duke cituar raportin, kryeministri Berisha tha se ne baze te rritjes ekonomike te Shqiperise jane investimet publike dhe private, te cilat kane bere qe vendi te ndryshoje me shpejt dhe me shume se asnjehere tjeter.   

“Vetem Shqiperia dhe Mali i Zi mbeten terheqese per investimet e huaja. Te gjitha vendet, me perjashtim te Shqiperise, humben nga rezervat e tyre valutore. Te ardhurat buxhetore u rriten ne menyre te ndjeshme ne Shqiperi dhe ne Malin e Zi, por Shqiperia eshte gjithnje ne krye, prandaj rriten rrogat dhe pensionet. Ne rajon, vetem Shqiperia, pati kete vlere te kursimeve te brendshme njesoj si vendet e zhvilluara. Sipas ketij raporti, Shqiperia qendron ne krye te kontributit te sektorit privat ne ekonomine shqiptare, ne te ardhurat”, tha Berisha.

Shume entuziast per vleresimet e raportit te Brukselit per ekonomine shqiptare, vecoi si me te rendesishmin krahasimin qe i behet ekonomise se vendit me ato te Bashkimit Europian.

“Shqiperia thote raporti dhe ky eshte vleresimi me maksimal qe ky vend ka marre ne historine e vet per ekonomine, ka bere nje progres te rendesishem dhe ka arritur shume afer performances se 10-shes se Bashkimit Europian”, theksoi Berisha.

Kryeministri Berisha i lidhi zhvillimet ekonomike me zgjedhjet, natyrisht, ne te kunderten e vleresimit qe opozita ben per pasojat e zgjedhjeve tek ekonomia.

“Keto jane frutet e nje kursi te thelle reformash, te cilat, te vleresuara ne raport me lirine ekonomike, Shqiperia e para, pastaj Turqi dhe Maqedonia, cilesohen ne vend te mire si ekonomi moderueshem te lira, ndersa te tjeret ne rajon me se shumti jo te lira. Liria funksionon ne kete vend sepse ishte vota e lire. Ky raport pergenjeshton dhe i jep pergjigjen me te shkelqyer atyre qe ndjellin nga mengjesi deri ne darke krize dhe zi”, tha kryeministri.

Sipas kryeministrit Berisha, pervec politikes monetare dhe investimeve te medha publike, taksat e uleta dhe reduktimi i shpenzimeve per administraten publike bene qe Brukseli te vleresoje Shqiperine si vendin e pare ne rajon, qe, me ekonomine e saj dhe perballimin e pasojave te krizes globale, eshte shume afer 10 vendeve te para te Bashkimit Europian.

Top Channel