Kryeministri Sali Berisha deklaroi se kryebashkiaku Edi Rama ka shumëfishuar taksa dhe ka shpikur një sistem të ri fiskal duke rënduar sidomos biznesin e vogël.
Duke folur në mbledhjen e deputetëve demokratë, Berisha theksoi se opozita flet për borxhin, ndërsa deklaroi se qeveria e ka gjetur borxhin në nivelin 72 përqind të prodhimit të brendshëm dhe sot është 59 përqind.
Kryeministri përmendi edhe reformat ekonomike në mbledhjen e grupit, duke theksuar se rritja e re ekonomike është më e madhe së në vitin 2009.
Sërish Berisha përmendi rritjen e pagave dhe pensioneve në 1 korrik, shtesë që e kalon 2 deri në 7 herë inflacionin.
“Në 2005 pagat i gjetëm me 230 dollarë dhe në vitin 2010 po arrijmë në shifrën e 500 dollarëve”, u shpreh Berisha.
Top Channel