Hapësirë, shpërthen raketa koreano-jugore
10/06/2010 13:30
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Një raketë koreano-jugore ka shpërthyer vetëm pak momente pasi është ngritur në ajër, duke i dhënë fund kështu shpresave të Seulit për të zhvilluar industrinë hapësirore.
Raketa ka shpërthyer 137 sekonda pasi u ngrit në ajër, ka bërë të ditur ministri koreano-jugor i Shkencës, Ahn Byong Man.
Raketa u nis nga qendra hapësirore e Goheungut, por kontaktet me të u ndërprenë pasi ajo kishte arritur lartësinë e 70 kilometrave.
“Duke parë përmes kamerës së instaluar tek maja e raketës, “KSLV-1” ka shpërthyer në fluturim, gjatë fazës së parë të ndezjes”, ka deklaruar ministri Ahn.
Edhe pamjet e transmetuara në televizionet koreano-jugore treguan momentet e fundit të raketës, pjesa e mbetur e të cilës po rrëzohej në det.
Top Channel
