Klos, 40 nxenes mesim ne lageshtire

Shkak i kesaj gjendjeje rezulton te jete bere godina e kesaj shkolle e cila ne teresine e saj eshte tejet e amortizuar.

Vec mureve, catia e shkolles mbetet me e demtuara, pasi agjentet atmosferike nder vite e kane plasaritur e copetuar ne mbi 75 per qind te siperfaqes. Si pasoje e ketij demtimi, shiu qe bie jashte deperton ne ambientet e brendshme te shkolles.  Brenda mjedisit shkollor ne tri klasa mesimi, mbreteron lageshtira, e cila po shkaterron gjithcka, perfshire edhe shendetin e femijeve, duke i bere keto ambiente te papershtatshme per mesim.

Aktualisht, ne kete shkolle mesojne 3 klasa te ciklit te ulet, te bashkuara ne dy klasa per shkak te numrit te vogel te nxenesve ne secilen prej tyre dhe nje klase te parashkollorit, kopshtit. Ne rastet e motit me reshje shiu te gjitha klasat mbushen me uje. Amortizimi i mureve dhe i catise se kesaj shkolle, e kane bere ate te jete jashte funksionit, per mesimin dhe edukimin e nxenesve.

Kudo neper mure dhe tavane te klasave mbizoteron lageshtira, duke bere qe ata te mbulohen nga myku, i cili ndikon negativisht ne shendetin e nxenesve. Mesuesit e kesaj shkolle, ne menyre konfidenciale thone se eterniti me te cilin eshte mbuluar shkolla eshte i demtuar dhe nuk e mban ujin. Por nga ana tjeter, perdorimi i eternitit per mbulimin e cative eshte kategorikisht i ndaluar.

Sipas studimeve te bera ka rezultuar se ai ka ne perberje te tij lende kimike kancerogjene, te demshme per shendetin. Gjate muajve te veres, kur temperaturat rriten, eshte mjaft e veshtire te rrish brenda, por mesuesit se bashku me nxenesit jemi te detyruar qe te punojme ne keto kushte. Gjendja ne kete shkolle vjen e rendohet nga viti ne vit. Kjo ka bere qe nje pjese e mire e prinderve te gjejne mundesi te tjera per t’i derguar femijet ne shkolla te tjera.

Top Channel