Meta: Ne Strasburg, zgjidhja

Per zotin Meta, eshte e rendesishme qe se fundi nisi dialogu, qe sipas tij do te coje ne nje perfundim te suksesshem te ngercit ne favor te integrimit. Zoti Meta komentoi edhe rezoluten e Organizates se Konferences Islamike per njohjen e pavaresise se Kosoves.

Pyetje: Organizata e Konferences Islamike ka miratuar nje rezolute konsensuale per Kosoven. Cfare ka te vecante kjo rezolute dhe a pritet qe, pas kesaj, te shtohet numri i njohjeve nga vendet e Organizates?

Meta: Miratimi me konsensus i rezolutes per Kosoven nga Konferenca Islamike tregon shume qarte se opinioni nderkombetar, gjithnje e me shume po ndergjegjesohet me progresin qe ka ndodhur ne Kosove, sidomos gjate vitit te fundit dhe ne pergjithesi pas shpalljes se pavaresise. Une jam shume i sigurte se do te vijojne njohjet e tjera nderkombetare, ashtu sikurse ka ndodhur edhe kohet e fundit, pasi pavaresia e shtetit te ri te Kosoves eshte futur ne nje rruge te pakthyeshme, pavaresisht nga sfidat qe ende nuk jane te pakta.

Pyetje: Zoti Meta, mund t’ju bej nje pyetje rreth zhvillimeve ne Shqiperi, ose me sakte per ate qe do te ndodhe ne Strasburg ne takimin mes zotit Fule, zotit Berisha dhe zotit Rama. Deri tani eshte bere i qarte vetem formati i tryezes, i darkes se punes. A jeni ne dijeni ju per pikat e nje marreveshjeje te mundshme qe pritet te arrihet, nese do te arrihet?

Meta: Per mua ajo qe eshte me e rendesishme dhe qe vlen per t’u pershendetur eshte mbyllja e greves se urise dhe zevendesimi i saj me dialogun, qe eshte edhe nje kerkese ne drejtim te integrimit europian, sidomos, per marrjen e statusit te vendit kandidat.

Pyetje: Zoti Meta, keto dite qe ju nuk keni qene ne Tirane ka patur nje debat mes PD dhe PS per ceshtjen e kutive. PD kerkon zbatimin e nenit 178 te Kodit Zgjedhor, pra hapjen e kutive te materialeve zgjedhore dhe djegien e kutive me flete votimi, ndersa PS kerkon opinion per kutite me fletet e votimit nga Komisioni i Vencias, paralelisht me hapjen e materialeve zgjedhore. Madje, ka patur zera ne Tirane qe ju keni qene dakort me kete propozim te PS. A jane te vertete keto zera dhe a e mbroni ju kete variant?

Meta: Une do te deshiroja qe te dilja jashte cdo lloj perpjekjeje spekuluese apo qofte edhe instrumentalizuese, lidhur me perpjekjet e mia te vazhdueshme apo edhe te forces politike qe une perfaqesoj persa i takon domosdoshmerise se rivendosjes se dialogut politik. Dua te nenvizoj se ajo qe eshte me e rendesishmja, eshte se transparenca dhe kushtetueshmeria e ketij procesi duhet t’í sherbejne reformes se ardhshme zgjedhore.

Pyetje: Ne dijenie tuaj, si minister i Jashtem apo edhe si numri dy i koalicionit qeveritar, a ka nje draft sot ne Strasburg per te cilin duhet te japin OK-in Berisha dhe Rama?

Meta: Nuk mund te konfirmoj asnje element te tille. Per mua eshte e rendesishme qe greva eshte zevendesuar me dialogun. Ky eshte i vetmi mjet per te cilin une kam insistuar vazhdimisht dhe qe besoj se eshte detyra e te gjitheve per ta ushqyer ne menyren me konstruktive.

Pyetje: Zoti Meta, cfare ju ben te besoni se kete here dialogu do te funksionoje, pasi edhe para tre muajsh, kur ishte Komiteti Presidencial i Keshillit te Europes, Berisha dhe Rama nisen dialogun, por ai deshtoi?

Meta: Sepse une mendoj qe testimi i rrugeve te tjera tregoi qarte se nuk mund te kete zgjidhje pervecse kesaj rruge, e cila eshte vetem dialogu.

Top Channel