Sparks: Kthimi i të zhvendosurve, një e drejtë
03/05/2010 10:00
Ambasada bën bashkë bizneset shqiptare në Kosovë, synohet rrjetëzimi dhe bashkëpunimi mes tyre 31/10 16:54
Autoritetet në Kosovë thonë se që nga viti 2000 janë kthyer rreth 20.000 pjesëtarë të komunitetit serb, të cilët ishin larguar në fund të luftës.
Ata thonë se kushtet e sigurisë mundësojnë kthimin e të zhvendosurve dhe ky proces nuk mund të dëmtohet nga incidentet e izoluara.
Të kthyerit ndërkaq, pohojnë se nuk kanë probleme me fqinjët e tyre shqiptarë, por problemet janë të përbashkëta dhe kanë të bëjnë me gjendjen ende të rëndë sociale e ekonomike në vend.
Ambasadori britanik në Kosovë, Andy Sparks, thotë se kthimi është një e drejtë që nuk ka të bëjë me politikën dhe statusin. Ai është i bindur se kushtet dhe gjendja politike e sigurisë në vend është e qëndrueshme, dhe krijon mundësi për kthimin e të zhvendosurve, por ai kthim duhet të jetë i përgatitur.
Top Channel
