Tajlandë, shmanget konfrontimi me policinë
23/04/2010 09:20
Qeveria tajlandeze fajëson “terroristët” pa emër për shpërthimet që vranë dhe plagosën protestuesit ditën e djeshme në Bangkok.
Ndërkohë, mëngjesin e sotëm qindra policë kaluan rrugën kryesore për t’u përballur më “këmishët e kuqe”, të cilët protestojnë kundër qeverisë.
Por vetëm pak momente më pas policia është tërhequr nga konfrontimi dhe protestuesit ranë dakord për të lëvizur nga barrikadat e tyre.
Britania, Shtetet e Bashkuara dhe Australia u kanë bërë thirrje shtetasve të tyre që të mos udhëtojnë në Tajlandë në këtë periudhë.
Protestuesit, të cilët manifestojnë prej gjashtë javës në kryeqytetin tajlandez kundër qeverisë, kërkojnë shkrirjen e Parlamentit dhe mbajtjen e zgjedhjeve të parakohshme.
Top Channel