Gjirokastër, socialistët në protestë
13/04/2010 13:30
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Nën moton “Ndal rrënimit ekonomik” qytetarë të Gjirokastrës, tregëtarë dhe përfaqësues të bashkisë së qytetit kanë protestuar sot në zonën karakteristike të Gjirokastrës pranë pllakatit të UNESCO-s kundër qëndrimeve sipas tyre jo të drejta të qeverisë ndaj qytetit të Gjirokastrës.
Qytetarë dhe tregtarë të Qafës së Pazarit kanë kërkuar në këtë proteste uljen e taksave për zonën muzeale, rijetëzimin e qendrës historike, rikthimin e institucioneve në këtë zonë si dhe ndërtimin e korpusit Universitar të premtuar gjatë zgjedhjeve të kalauara.
Gjirokastra u rradhit mes pasurive të trashëgimisë botërore të UNESKO-s në vitin 2005. Që prej asaj periudhe, restaurime dhe rivlerësim ka njohur vetëm një pjesë e zonës historike, ndërsa banorët pretendojnë se standarti i jetës së tyre është në rënie. Gjirokastrës për vitin 2010 i është akorduar prej qeverisë një fond gati 30% më i ulët se një vit më parë, dhe pikërisht buxheti i pamjaftueshëm duket se ka motivuar edhe protestën e sotme.
Top Channel
