Propozohet heqja e akcizës për kafenë
19/03/2010 09:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ministria e Financave mendon të heqë taksën e akcizës për kafenë, duke iu përafruar nivelit të Bashkimit Europian, vendet e së cilit nuk e aplikojnë.
Aktualisht norma e taksës është 70 lekë për kilogram dhe propozohet të bëhet zero, vetëm për llojin “kafe jo e pjekur e dekafeinizuar ose jo”.
“Ky propozim bëhet në kuadër të përafrimit të listës së mallrave të akcizueshme në Shqipëri me vendet e BE-së dhe të rajonit”, sqaron Ministria e Financave në relacionin që shoqëron projektligjin.
Aktualisht norma e kësaj takse aplikohet vetëm nga Kosova, ndërsa vendet e rajonit e kanë hequr nga përdorimi.
Tjetër masë në projektligjin e ri është vendosja me akcizë e produkteve si karton, letër, qelq apo goma të reja ose të përdorura.
Vendosja e akcizës për to do të ndikojë në koston e produktit final, kryesisht te fasonët, të cilët nuk po përjetojnë një situatë të favorshme.
Reagimi i parë i tyre lidhet me lëndën e parë, kartonin (për këpucët), i cili do të ketë akcizë 5 lekë për kilogram.
Sipas fasonëve, taksa e re do të favorizojë tregtarët e huaj dhe jo vendas, pasi malli i tyre mund të blihet jashtë më lirë, pa taksa doganore.
Top Channel
