Fule nis viziten ne Ballkan

Ai do te kryeje takime ne Serbi, Malin e Zi, Bosnje-Hercegovine, Shqiperi dhe Kosove. Ne nje interviste per te perditshmen serbe “Blic”, Fule tha se ai do te punoje fort per te mbeshtetur vendet e Ballkanit Perendimor dhe per te shtuar perpjekjet per afrimin e tyre me Bashkimin Europian.

“Procesi i asocimit u jep ketyre vendeve te Ballkanit Perendimor nje mbeshtetje te fuqishme per implementimin e reformave ekonomike dhe politike. Duhet te vazhdojme perpjekjet tona per te promovuar progresin ne Serbi”, tha ai. Fule do te vizitoje Serbine, Bosnje-Hercegovinen dhe Malin e Zi te merkuren ndersa do te jete ne Shqiperi dhe Kosove diten e premte.

Thuhet se Fule do te jape tre mesazhe te rendesishme per vendet e Ballkanit Perendimor. Se pari, mbeshtetja e forte per perspektiven europiane te secilit prej ketyre vendeve. Se dyti, Fule do te beje nje apel per forcimin e shtetit ligjor dhe bashkepunimin nder-rajonal ne kuader te konsolidimit te fqinjesise se mire.

Lideret e Ballkanit Perendimor do te kene mundesine te prezantojne progresin e bere, perpara komisionerit te ri per zgjerimin. Fule tha per “Blic” se “Serbia ka bere nje progres surprizues” ne muajt e fundit me perpjekjet e saj ne kuader te procesit te integrimit europian, por mbetet ende pune per konsolidimin e shtetit ligjor, nje element kyc per funksionimin e demokracise dhe ekonomise. Vizita e Fule ne Malin e Zi do te perqendrohet te forcimi i ligjit dhe lufta ndaj krimit te organizuar dhe korrupsionit. Nderkohe, liberalizimi i vizave do te jete tema kryesore e diskutimeve ne Tirane.

Top Channel