Fullani: Situata po permiresohet, por ka rreziqe
11/03/2010 22:10
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Guvernatori i Bankes se Shqiperise, Ardian Fullani ka deklaruar se Shqiperia ka qene nje vend qe i mbijetoi krizes ekonomike nderkombetare.
Sipas tij, vendi yne pati nje rritje ekonomike qe nuk eshte regjistruar ne vendet e tjera te botes.
“Nuk u diskutua gjate periudhes se krizes rritja ekonomike, sepse ishte me minus ne vende te ndryshme, ne vartesi te shkalles se efekteve te krizes, te zhvillimit ekonomik dhe struktures ekonomike. Pati probleme te medha dhe ende ka”, ka pohuar Fullani ne emisionin “Top Story” ne Top Channel.
Sipas tij, situata ekonomike ne vend dhe ne rang nderkombetar po permiresohet, por ka ende rreziqe per shkak te efekteve te krizes.
“BQE flet per nje rritje pozitive, 2%, por situata eshte e pasigurte. Te gjitha vendet e zhvilluara po perballen me efektet e krizes. Problemi me i madh eshte rreziku fiskal”, ka sqaruar Fullani, duke nenvizuar se ne kete kontekst duhet te matet me kujdes shpejtesia me te cilen leviz ekonomia.
“Ne kete kontekst, persa i perket rritjes ekonomike, eshte e rendesishme te kuptojme se ka nje rregull te arte, ka rendesi shpejtesia me te cilen dilet nga kthesa. Ne ne kthese kemi hyre te kujdesshem persa i perket makroekonomise, por kemi nje shpejtesi qe duhet te korrektohet. Eshte e rendesishme ta shikosh situaten 360 grade”, eshte shprehur Fullani.
Ai ka shtuar me tej se per permiresimin e situates ekonomike politika ka nje rol thelbesor, i cili sipas tij duhet te bazohet tek dhenia e garancise per ecurine pozitive te ekonomise.
“Nga ana tjeter eshte e rendesishme qe politika te reduktoje pasigurine ne ekonomi dhe te krijoje pritshmerite garantuese tek publiku mbi mbarevajtjen afatgjate te ekonomise. Ky ka qene koncepti i BSH”, ka shtuar Fullani.
Top Channel
