Minxholli: Barutin e mblodhi Patrik Henri

05/03/2010 16:20

Dritan Minxholli flet serish para gjykates per ish-administratorin e kompanise SAC Albademil, amerikanin Patrik Henri. Kesaj radhe ish-drejtori i punishtes se demontimit ne Gerdec ka hedhur drite per ceshtjen e barutit, ndoshta per te zbardhur se perse diten e shperthimit ne 15 mars ndodheshin qindra tonelata te depozituara brenda ne repart.

Minxholli tha se ishte urdheruar nga Patrik Henri qe magazina e barutit te zhvendosej nga ambientet e jashtme ne brendesi te punishtes. Sipas te pandehurit, amerikani Patrik Henri e kishte urdheruar qe te grumbullohej sasia e barutit sepse do mberrinin disa eksperte belge per ta blere. Minxholli theksoi se Patrik Henri ishte shprehur se grumbullimi i barutit brenda ambienteve nuk perbente rrezik dhe se Patrik Henri nuk e kishte parashikuar se cfare do ndodhte pas kesaj.

Nderkohe ne gjykate deshmoi edhe nje ish-inspektor rendi ne zone, Mustafa Dine i cili pohoi se gjate kohes qe ishte ne polici kishte njoftuar shefat e tij per punimet qe beheshin ne Gerdec. Deshmitari kujtoi se gjate kohes qe ndodhej ne polici ishte njoftuar nje mbremje per zjarr renie ne ambientet e demontimit dhe me sa kujtonte ai situata ishte vendosur nen kontroll pa probleme.

Pasi ishte larguar nga policia, ai tha se kishte kerkuar pune ne Gerdec dhe ishte punesuar si magazinier ne magazinat e barutit qe ndodheshin rreth 100 metra jashte repartit. Pas deshmive gjykata shtyu procesin per te premten e ardhshme, kjo sepse ne trup gjykues ndodhen edhe dy femra te cilat duhet te respektohen per festen e gruas qe eshte te henen.

Top Channel