Chopin, aktivitete ne Tirane per 200 vjetorin e lindjes

I konsideruar si kompozitori me i madh polak dhe nje nga pianistet me te mire te te gjitha koherave, Chopin ne kete pervjetor po perkujtohet me nje sere aktivitetesh, paralelisht ne shume vende te botes.

Ministria e Kultures, ne kuader te ketij pervjetori ka bere te ditur se ne Tirane ne muajt e ardhshem do te zhvillohen disa koncerte me pjese te ketij kompozitori, por edhe nje konkurs me pjesemarres pianiste te rinj. Nderkohe ne Itali, koncertet kane filluar. Vetem “La Scala” i dedikoi me 1 mars, diten e ditelindjes se tij, dy koncerte. Aktivitetet jane zhvilluar edhe ne vende te tjera si Gjermani e France.

Ne Poloni, festimet per 200 vjetorin e lindjes se kompozitorit kane nisur qe ne janar. “Frederic Chopin ka nje rol te jashtezakonshem ne formimin e koshiences sone kombetare”, jane shprehur deputetet e parlamentit polak. Jane rreth 2000 aktivitetet qe do te zhvillohen per te ne te gjithe boten, ku perfshihen edhe ekspozita, hapje muzeumesh dhe nxjerrje ne treg te biografive te jetes se tij. Frederik Chopin lindi me 1 mars te 1810-es ne nje vend prane Varshaves.

Familja e tij ishte adhuruese e muzikes. Ne Liceun e Varshaves, ku ai studioi fillimisht, mesuesi i tij do ta perkufizonte me aftesi te pabesueshme dhe gjeni te muzikes. Pas suksesit ne Poloni, ai transferohet fillimisht ne Vjene e me pas ne Paris, ku njohu artiste te tjere talentuar si Liszt, Bellini Berlioz, per t’u bere i njohur edhe atje.

Chopin ka kompzuar kryesisht per soliste pianosh, ku perfshihen mes te tjerash mazurkat, valset, nokurnet e sonatat. Por ne veprat e tij perfshihen edhe koncerte per piano dhe orkester, muzike dhome per piano e violine, apo violincel e flaut. Chopin u be nje nga perfaqesuesit me te rendesishem te romanticizmit. Ai u nda nga jeta ne 1849-en ne Paris ku edhe prehet trupi i tij, pervec zemres, e cila gjendet ne Kishen e Kryqit te Shenjte ne Varshave, me deshire te vete poetit te pianos, qe s’e harroi kurre vendlindjen e tij.

Top Channel