Permbytje ne Fier, Durres e Kruje

01/02/2010 13:55

Reshjet e diteve te fundit kane futur nen uje rreth 100 familje te fshatit Mbrostar. Ujerat kane pushtuar ambientet rreth banesave duke veshtiresuar jetesen e familjeve.

Shkak per kete permbytje eshte bere bllokimi i kanaleve kulluese nga punimet qe po kryen nje kompani ndertimi ne nje rruge automobilistike.

Per shkak te ujrave eshte bllokuar edhe procesi mesimor sepse nxenesit nuk mund te levizin ne rruget e mbushura me uje. Banoret thone se kane kerkuar ndihmen e komunes por nuk kane marre pergjigje pozitive.

Reshjet e shiut dhe ndertimet pa kriter dhe mbi kolektor vazhdojne te mbajne te izoluara familje te tera ne plazhin e Durresit.

Qe nga muaji nentor i vitit te kaluar familjaret vuajne pasojat e permbytjeve. Nderhyrjet emergjente per zhbllokimin e kanalit te ujerave te larta ne zonen e plazhit nuk e kane zgjidhur problemin e banoreve, nderkohe qe mungon nje studim per evidentimin e shkaqeve qe shkaktojne permbytjet dhe nderhyrjen me nje investim konkret per shmangien e tyre.

Nderkaq permbytje ka dhe ne grykederdhjen e lumit Ishem, ne fshatin Murqin te Krujes, ku afro 300 hektare toke bujqesore ndodhet nen uje, si dhe shume shtepi kane mbetur te izoluara per shkak te hapjes se portave te Bovilles dhe reshjeve te shiut.

Top Channel