Ndertuesit: Shteti te na levroje parate

29/01/2010 08:45

Buxheti i shtetit, perveç zhvillimit te ekonomise, i sherben veçanerisht sektorit te ndertimit, per shkak te puneve publike.

Plani per te investuar ne 2010 eshte rreth 900 milione dollare, para qe shkojne per sektorin e ndertimit per punet qe kryen.

Ne kete pike, kerkesa e shoqates eshte zbatimi sa me i shpejte i buxhetit 2010, kur po mbyllet muaji i pare i vitit.

Shqetesim per sektorin eshte plani i qeverise per te reduktuar investimet, ne masen 220 milione dollare, diference qe ndikon negativisht ne zhvillimin e sektorit.

“Kerkesa kryesore e jona eshte nisja sa me shpejt e zbatimit te buxhetit 2010, pasi firmat private te ndertimit nuk mund te punojne me pa para”, thote per “Shqip” nendrejtori i Shoqates se Ndertuesve, Ilir Hebovija.

Sipas tij, tolerances se ndertuesve po u vjen fundi dhe vetem zhbllokimi i buxhetit me investime ne projekte te ndryshme mund te krijoje lehtesira per te dale nga situata.

Nder te tjera, Hebovija shpjegon arsyet se pse çmimet e apartamenteve vijojne te mbeten te larta, pavaresisht krizes ekonomike.

Sipas tij, jane nje sere faktoresh qe pengojne uljen e çmimeve, te cilet transmetojne nje efekt zinxhir ne ekonomi, gje qe rrezikon disa sektore te tjere.

Top Channel