Strasburgu: Gati t’ju ndihmojme per kalimin e krizes

Ky i fundit u ka bere thirrje partive politike shqiptare qe te gjejne gjuhen e perbashket, duke shprehur edhe gatishmerine per te dhene kontributin e tij ne kete drejtim.

“Ajo cfare ne duam nga forcat politike ne Shqiperi eshte qe te tregojne vullnetin politik per tejkalimin e situates aktuale. Kjo eshte me e rendesishme. Si ta bejne kete? Epo, ne jemi te gatshem qe te ndihmojme partite kryesore politike qe te gjejne nje gjuhe te perbashket. E dime qe ne keto momente pozicionet e seilces parti jane larg kesaj situate, kete e dime, por ne do te tentojme qe te arrihet kjo gjuhe e perbashket, per hir te funksionimit te duhur te institucioneve demokratike ne vendin tuaj”, ka deklaruar Sorinas.

Sipas tij, Shqiperia eshte pjese e familjes evropiane dhe lideret e partive politike evropiane jane te gatshem te vijne ne Tirane dhe te ndihmojne ne gjetjen e dialogut politik mes mazhorances dhe opozites.

“Shqiperia eshte nje nga vendet anetare, eshte pjese e familjes sone, e cila here pas here ka probleme, dhe eshte detyra jone qe ne te kontribuojme ne zgjidhjen e ketyre problemeve. Une mund t’ju them se presidenti i Asamblese dhe lideret e te gjitha grupeve politike jane te gatshem qe te vijne ne Tirane e te hapin nje dialog mes forcave politike te vendit tuaj per t’i dhene fund kesaj situate. Kjo eshte e rendesishme”, ka nenvizuar Sorinas.

Ndersa deputeti socialist, Arben Ahmetaj vleresoi fjalet e zyrtarit evropian, duke nenvizuar se mesazhi i mare shkon pertej interesave te PD dhe PS.

“Beteja jone politike ketu ka te beje me nje gje me te rendesishme se sa ajo qe perfaqesojme ne ose PD, ka te beje me kalimin e krizes”, eshte shprehur Ahmetaj.

Oferta e sekretarit te pergjithshem te Asamblese per zgjidhjen e situates politike ne vend nuk perputhet me amendimet e depozituara nga delegacioni zyrtar shqiptar i kryesuar nga Ilir Rusmali, i cili kembengul qe zgjidhja politike te arrihet brenda institucioneve te vendit.

Top Channel