Ministria: Per Skavicen nuk pati asnje oferte
25/01/2010 08:05
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ministria e Ekonomise, Tregtise dhe Energjetikes pranon zyrtarisht deshtimin e tenderit per dhenien me koncesion te hidrocentralit te Skavices ne veri te vendit.
Ministria jep argumentet e mossuksesit, duke deklaruar se nuk pati fare interesim nga investitoret. Ne tenderin e zhvilluar ne muajin dhjetor, ishte planifikuar hapja e ofertave nga kompanite e interesuara me pare, te cilat ishin parakualifikuar dhe kishin terhequr formularin e aplikimit.
Ne gare ishin gjashte kompani, ku njera (italiane) kishte fituar edhe bonos, duke i dhene qeverise garancine se procesi do te dilte me sukses. Por kriza financiare dhe shtrengimi i kredive nga bankat per investitoret, e ktheu permbys procesin.
“Deri ne daten e percaktuar ne dokumentet standarde te procedures konkurruese, prane Autoritetit Kontraktues nuk u paraqit asnje ofertues per konkurrim ne kete procedure konkurruese. Ne keto kushte, Komisioni i Vleresimit te Ofertave vendosi te shpalle mossuksesin e procedures konkurruese dhe rishpalljen e saj”, thuhet ne njoftimin zyrtar te Ministrise se Ekonomise dhe Energjetikes, publikuar keto dite ne buletinin e Agjencise se Prokurimeve per koncesionet.
HEC-i i Skavices mbart nje histori te gjate, gati 6-vjecare dhe me plot premtime per ndertimin dhe funksionimin e tij, por shkaqet e ndryshimeve ligjore dhe tashme financiare, nuk e bejne te mundur realizimin e projektit.
I konsideruar gjigand per nga madhesia, vlera e investimit dhe sasia e prodhimit, Skavica do te sherbente si nje depozite kryesore per HEC-et e tjera prane lumit Drin. Ne gare pritej te merrnin pjese gjashte kompani te huaja, nga me te njohurat ne tregun energjetik, te cilat kishin shprehur interes dhe mundesi financimi. Gara per koncesionin kishte nisur zyrtarisht ne vitin 2008, me kualifikimin paraprak te 6 kompanive, mes tyre italiane dhe gjermane.
Firmat ne tender nuk kane pasur mundesi te siguronin kredi nga bankat per investimin, qe ne total shkon deri ne 600 milione dollare. Gjashte kompanite e interesuara ishin “TGK Skavica srl”, nje kompani italiane qe ka pergatitur edhe projektin, “Korea Electric Power Corporation”, “STATKRAFT” nga Norvegjia, konsorciumi “VERBUND KELAG GRUP” nga Austria dhe “R.W.E” AG nga Gjermania.
Projekti “Hidrocentrali i ri” mund te prodhoje rreth 1.3-1.8 miliarde kilovat/ore energji ne vit, qe ka vlere tregtare prej rreth 65-80 milione eurosh, sipas cmimeve aktuale te energjise se importuar ne Shqiperi. Nese realizohet, ky hidrocentral pritet te rrise prodhimin e energjise elektrike ne Shqiperi me 10-15 per qind nga niveli aktual.
Top Channel
