Gjykatat, Presidenca shpall konkursin

Ne Gjykaten Kushtetuese jane 6 vende vakante dhe ne Gjykaten e Larte 2. Gjykata Kushtetuese ka per detyre te garantoje respektimin e Kushtetutes nga veprimtaria e pushtetit publik dhe perbehet nga 9 anetare te emeruar per nje mandat 9 vjecar, pa te drejte riemerimi.

Sipas ligjit, anetar i Gjykates Kushteteuese mund te jete cdo jurist me kualifikim te larte dhe me pervoje pune jo me pak se 15 vjet ne profesion.

Kurse Gjykata e Larte, instanca e fundit e pushtetit gjyqesor, perbehet nga 17 anetare, qe zgjidhen edhe ata me nje mandat 9 vjecar pa te drejte riemerimi.

Ne Gjykaten e Larte emerohen ata qe kane te pakten 10 vjet eksperience pune si gjyqtare. Ose juriste te shquar me te pakten 15 vjet eksperience.

Njoftimi zyrtar i Presidences fton te gjithe individet qe deshirojne te kandidojne, qe t’i paraqesin kerkesat e tyre prane Kabinetit te Presidentit deri me 15 shkurt.

Eshte ekskluzivitet i Presidentit paraqitja e propozimeve. Por ne periudhen maj-qershor te vitit 2008 Kuvendi hodhi poshte 5 dekrete te Presidentit Topi per emerime ne Gjykaten e Larte.

Sipas mazhorances, Presidenti nuk ishte konsultuar paraprakisht me Kuvendin. Pas rrezimit te dekreteve, Presidenti krijoi nje grup konsultues ekspertesh per t’u konsultuar me Parlamentin, jo per emrat e gjyqtareve, por per parimet dhe standartet e perzgjedhjes se tyre.

Analistet gjykuan atehere se kjo ishte nje kunderpergjigje e kryeministrit Berisha dhe kryetares Topalli ndaj kundervenies publike te Presidentit Topi per ndryshimet kushtetuese.

Rrezimi i dekreteve shkaktoi reagime edhe te faktorit nderkombetar. Kesaj here njoftimi zyrtar i Presidences thote se procesi do te jete transparent dhe ne respekt te ligjeve ne fuqi dhe standardeve demokratike.

A do te thote kjo konsultim me Parlamentin, nje instance ku edhe opozita mungon? Burime te caktuara thone se tani po hidhet hapi i pare, administrimi i kandidaturave. Pyetja duhet te shtrohet pas dates 15 shkurt.

Top Channel