Qeveria shqiptare eshte ne hapat e fundit te hartimit te vendimit, i cili do te percaktoje me hollesi menyren sesi do te kompensohen banoret e demtuar nga permbytja, per shkak te shkarkimit te ujrave nga kaskada e Drinit.
Perpara se te mblidhet qeveria te merkuren, ekspertet ende jane ne diskutimin e procedurave dhe referencave ligjore per demshperblimin, por Top Channel ka zbuluar draftin mbi te cilin po punohet.
Hapi i pare eshte evidentimi i te gjitha demeve, sipas nje formulari tip, ne ndertesa banimi, objekte biznesi, objekte sociale dhe publike, orendive dhe pajisjeve elektro-shtepiake, te demeve te shkaktuara ne kultura bujqesore, gjese se gjalle dhe ushqimit te tyre.
Hapi i dyte eshte dergimi i formularit prane Komitetit Nderministror, bashke me listen emerore te pronareve te banesave apo objekteve te tjera, shoqeruar me cerifikaten e kryefamiljarit dhe dokumentin e identifikimit.
Sipas draftit qe po punohet ne procesin e vleresimit perfundimtar do te marrin pjese edhe specialite nga Drejtoria e Pergjithshme e Tatimeve.
Por cfare ka parashikuar qeveria per menyren sesi do te vleresohen demet?
Per shtepite e demtuara vleresimi do te behet sipas kostove te ndertimit te percaktuara nga Enti i Banesave, e cila per qytetin e Shkodres eshte rreth 26 mije leke per meter katror.
Per objektet e ndertimit me karakter bujqesor, si stalla, hangare etj, kostoja e demshperblimit llogaritet ne 5 mije leke per meter katror. Per kategorite e tjera te demtimeve ne objekte banimi, sociale, publike, llogaritja do te behet sipas cmimeve te Entit Kombetar te Banesave per qytetin e Shkodres.
Vleresimi i demeve ne makineri dhe pajisje te demtuara do te kryhet ne perputhje me dokumentacionin e depozituar prane organeve tatimore dhe doganore. Demet e shkaktuara ne bazen ushqimore, koncentrate, sane, etj, do te llogariten me cmimin e tregut.
Me cmimet e tregut te marre nga Ministria e Bujqesise do te vleresohen edhe demet e shkaktuara ne gjene e gjalle. Vendimi qe po pergatitet nga qeveria ben vleresim edhe per pajisjet elektro-shtepiake, mbeshtetur mbi konstatimin e kryer ne vend nga grupi i evidentimit mbi rregullsine ose jo te tyre sipas cmimit aktual te marre nga Drejtoria e Pergjithshme e Tatimeve.
Ndersa per orendite dhe mobiljet eshte ende ne diskutim vlera e demshperblimit. Nje opsion eshte 50 mije leke per fryme, por jo me pak se 200 mije leke per familje.
Top Channel
