Permbytjet, Berisha: Demshperblim per banoret

18/01/2010 18:05

Kryeministri Sali Berisha deklaroi se situata e permbytjeve ne qarkun e Shkodres ishte tejet e rende, por qellim kryesor ishte ruajtja e jetes se njerezve, nderkohe qe premtoi zhdemtimin e plote te te gjitha demeve per banoret e prekur.

“Qeveria i ka te gjitha mundesite qe te pergjigjet deri ne fund per demet e shkaktuara. Cdo veprim do te kryhet me transparence te plote”, u shpreh Berisha, duke e vleresuar si te suksesshme proven e rende te permbytjeve te kesaj mase, qe sipas tij ndodh nje here ne shekull

Duke i deklaruar si te turpshme, ato qe i quajti shpifje dhe trillime ne lidhje me rezervat ujore ne diga, Berisha theksoi se cdo veprim eshte kryer ne perputhje te plote me rregulloren.

“Ne asnje rast, ne asnje moment nuk ka patur rrezik per digat, portat tunelet e tyre. Rreziku ishte eminent per Nenshkodren, Dajcin, Velipojen, Bushatin, Anen e Malit, sepse prurjet rriteshin cdo dite. Kurre nuk kishte kercenim nga digat, sepse ato jane ne mbrojtje ndaj vershimeve te Drinit”, u shpreh Berisha.

Shefi i qeverise Berisha kerkoi qe kjo fatkeqesi natyrore te shnderrohet ne mundesi te medha per qytetin e Shkodres dhe rrethinat e saj.

Sipas tij, duhen projekte gjigante, ndersa theksoi se shteti sot eshte me i forte ekonomikisht dhe me i afte, ndaj eshte i gatshem per zbatimin e projekteve qe do te sjellin me shume siguri per qytetin.

“Digat jane nje faktor i fuqishem mbrojtes per Shkodren ndaj duhet bere investime tek to”, u shpreh Berisha.

Kryeministri i dha keto deklarata ne nje fjale te gjate mbajtur para deputeteve, ne seancen e jashtezakonshme te thirrur per gjendjen e krijuar nga permbytjet ne qarkun e Shkodres.

Top Channel