“Pengmarrja”, Aviacioni Civil: Ndeshkim pergjegjesve

Rreth ores 17 e 15 te dites se sotme ata kane mberritur ne aeroportin e Bolonjes. Pasagjeret kane kaluar naten ne dy hotele prane aeroportit te Bratisllaves me shpenzime te kompanise ajrojre shqiptare.

“E rendesishme eshte qe pasagjeret tane mberriten mire ne destinacion. Neser do te bejme gati nje raport teknik te cilin do t’ia dorezojme autoriteteve shqiptare dhe do te kerkojme qe piloti qe shkaktoi kete incident te marre denimin maksimal”, deklaron Ali Evsen, president i kompanise “Albanian Airlines”.

Perfaqesues te kompanise ajrore shpjegojne se incidenti i ndodhur ka ardhur per faj te kompanise ajrore sllovake, nga e cila ishte marre me qera avioni qe do te fluturonte nga Tirana drejt Bolonjes.

Jo zyrtarisht thuhet se kompania sllovake ka pasur probleme me ekuipazhin e saj dhe per incidentin e shkaktuar do te kerkoje demshperblim prej saj, gje te cilen mund ta bejne edhe pasagjeret me kompanine shqiptare.

Nderkohe, drejtori i autoritetit te Aviacionit Civil, Ervin Mazniku deklaron se do te coje deri ne fund hetimet mbi kete ceshtje.

“Duhet t’ju siguroj se drejtoria e Aviacionit Civil do t’i shkoje deri ne fund ketij incidenti dhe do te dale garant per sigurine e pasagjereve”, ka pohuar Mazniku.

Nje dite me pare avioni i nisur nga Tirana per ne Bolonja nderroi destinacion gjate rruges nga pilotet, pa dijenine e udhetareve, duke i derguar ata ne Bratisllave te Sllovakise.

Devijimi erdhi si pasoje e protestes se piloteve, te cilet nuk ishin paguar nga kompania sllovake, qe ka ne pronesi avionin dhe qe i kishte ata te punesuar.

Top Channel