Beqja: Permbytjet, nga dora e Berishes

Deputeti socialist i zones se Shkodres, Ilir Beqja ka deklaruar ne emisionin “Top Story” ne Top Channel se katastrofa qe perfshiu qytetin verior nuk ka ardhur nga fatkeqesia natyrore.

“Ne si deputete te qarkut te Shkodres, qe nga data 2 jemi ne kete qytet jo per te bere gare me njeri-tjetrin, por per t’iu qendruar prane banoreve dhe per t’i ndihmuar per te kaluar sa me shpejt kete situate qe ia beri keqqeverisja e Sali Berishes”, ka pohuar Beqja.

Sipas tij, qeveria pervec se ka shkaktuar permbytjen ka reaguar me vonese ndaj katastrofes dhe ka pasqyruar nje realitet ndryshe nga ai qe eshte ne terren.

“Qeverise iu desh shume kohe per te vleresuar permasat reale te kesaj fatkeqesie te organizuar nga dora e shtetit. Vetem pas 10 ditesh mati se ishin 11 mije hektare nen uje. Sidoqofte, nga situata ne terren, realiteti nuk duket ashtu sic pretendon qeveria”, eshte shprehur Beqja.

Deputeti socialist ka nenvizuar se fshatrat e qarkut te Shkodres jane ende te mbuluara nga uji dhe po ashtu edhe disa lagje te vete qytetit verior.

“Ka fshatra qe jane 100% nen uje, ne thellesi te ndjeshme qe bejne te veshtire komunikimin. Po ashtu ne qytet, vetem te dielen uji hyri ne lagjen “Xhabije” dhe akoma ka uje edhe sot. Kushtet e jeteses jane te pamundura”, ka theksuar Beqja.

Ai ka shtuar me tej se edhe operacionet e organizuara nga qeveria per t’iu ardhur ne ndihme banoreve kane qene te ngadalta.

“Ka ngadalesi ne shperndarjen e ndihmave dhe ngadalesi ne gjithe kete situate pasi nuk ka perputhje mes trupave te dizlokuara dhe pushtetareve. Situata po vjen duke u veshtiresuar. Njerezve pervec pakove te ndihmes u duhet nje jetese minimale, atyre u duhet dhene sa me pare nje mbeshtetje financiare per te plotesuar kushtet minimale”, ka shtuar Beqja.

Ai ka bere te ditur se PS do te kthehet ne Parlament nese mbahet nje seance e jashtezakonshme per situaten ne Shkoder.

Top Channel