HEC-et me koncesion, shumica jane pushim

Lajmi nuk eshte me sekret dhe nuk fshihet as nga zyrtaret e Ministrise se Ekonomise, e cila menaxhon kete sektor. Nga rreth 100 hidrocentrale te programuara per t’u ndertuar permes skemes se partneritetit publik-privat, sipas zyrtareve te METE-s, vetem ne 8 per qind te tyre ka filluar realisht puna. “Shume prej kontratave koncesionare kane skaduar”, thone zyrtaret.

“Disa jane ne perfundim, por duhet thene se jane pak, perafersisht tete per qind e numrit te lejeve te dhena”, deklaroi me 4 janar ministri i Ekonomise, Tregtise dhe Energjetikes, Dritan Prifti, ne nje televizion privat. Prifti tha se nje prej shkaqeve te vonesave ne kryerjen e investimeve ishte edhe kriza financiare boterore.

“Ka investitore qe i kane marre lejet, por per shkak te vitit te fundit lejet kane skaduar. Ka investitore qe jane rikthyer per te kerkuar shtim afati dhe jane te gatshem per t’i dhene garanci qeverise se do t’i perfundojne investimet”, vijoi me tej Prifti.

Kompanite qe moren persiper ndertimin e tyre kane kerkuar rishikim te afateve, duke u justifikuar me krizen financiare boterore, e cila, sipas tyre, i ka mbyllur dyert e bankave per financime. Por Banka Europiane per Rindertim dhe Zhvillim, e cila nuk eshte prekur nga kriza, ka shprehur gatishmeri te plote per te financuar projekte te tilla, ndersa zyrtare te saj kane saktesuar se mungesa e financimeve lidhet me cilesine e ulet te kompanive qe iu dhane koncesionet.

Problemi me i madh eshte se disa nga koncesionet me te rendesishme u jane dhene kompanive te vogla, duke bllokuar mundesine per te kerkuar investitore me te medhenj. Ne vitin 2007, Shqiperia miratoi nje ligj te ri mbi koncesionet dhe u lejoi kompanive private te identifikonin vete mundesite per te ndertuar hidrocentrale te vegjel. Sipas ligjit, kompanite qe kerkojne koncesionin kane edhe shansin me te madh per ta fituar.

Gjate dy viteve te fundit, qeveria ka miratuar 29 kontrata koncesionare per ndertimin e 45 hidrocentraleve te vegjel qe variojne nga 2 ne 10 megavat fuqi te instaluar. Nese keto hidrocentrale ndertohen, Shqiperia mund te kete pas pak vitesh 160 MW fuqi te instaluar shtese dhe rreth 800 milione kWh prodhim vjetor.

Shqiperia vleresohet si vend shume i pasur ne energji hidrike dhe deri tani vetem 30 per qind e ujit te disponueshem shfrytezohet per prodhim energjie. Kompani private kane aktualisht nen pronesi 46 hidrocentrale te vegjel te ndertuar gjate kohes se komunizmit dhe te privatizuar apo te dhene me koncesion gjate viteve te fundit.

Top Channel