Fule: Asnje date per Shqiperine ne BE

I pyetur nga Top Channel pas seances degjimore ne Parlamentin Europian ne Bruksel, ai theksoi se gjithcka varet nga pergjigjet e Tiranes ndaj pyetesorit.
 
A prisni qe Shqiperia te fitoje statusin kandidat gjate vitit 2010 si dhe celjen e negociatave per antaresim?

Stefan Fule- Kandidat per Komisioner per Zgjerimin dhe Fqinjesine:

“Mendoj se ajo qe presim ne tani jane pergjigjet ndaj pyetesorit tone dhe pasi t’i kemi marre ato, atehere do te na duhet t’i vleresojme. Dhe vetem pas ketij vleresimi une do te jem i afte t’ju jap nje ide me te qarte”.

Ndonje date te mundeshme?

Fule: Jo asnje date, asnje date ne kete moment

Ceku Shtefan Fyle u perball dje me eurodeputetet e komitetit te jashtem per te mbrojtur postin per te cilin eshte zgjedhur. I ardhur nga nje vend anetar i ri , me nje karriere te gjate ne diplomaci, Fule theksoi qe ne fillim se vendet qe aspirojne antaresimin duhet ta meritojne ate dhe se nuk do te kete shkurtim te rruges drejt BE-se pa plotesuar te gjitha kushtet.

Gjate debatit me eurodeputetet, 48 vjecari nga Sokolovi i Cekise vleresoi si nje hap madhor liberalizimin e vizave me Maqedonine, Serbine dhe Malin e Zi, ndersa per Shqiperine dhe Bosnjen, Fule percaktoi mesin e vitit 2010 si date per rekomandimin e komisionit cfare do te thote se skenari me i mire per heqjen e vizave mbetet fundi i ketij viti.

“Une do te punoj shume fort qe per dy vendet qe mbeten pas, Shqiperine dhe Bosnjen,  por sigurisht kjo do te varet shume prej tyre vete, qe te mund te rekomandoj ne mes te ketij viti qe te perfshihen dhe ato ne kete liste. Jam i vendosur po ashtu qe te nis nje dialog te strukturuar me Kosoven per nje afrim ndaj nje perspektive me terma afatgjate per liberalizimin e vizave”, tha Fule.   

”Ndersa eurodeputetet qe mbulojne shtetet e tjera te rajonit shtruan pyetje ndaj komisionerit te percaktuar sesi e sheh ai te ardhmen e ketyre vendeve ne keto 5 vitet e ardhshme. Raportuesi per Shqiperine, Nikolaos Huntis, i cili e mbylli vitin 2009 pa bere asnje pyetje per Shqiperine ne mbledhjet e ketij niveli, edhe ne seancen e djeshme degjimore preferoi te pyeste vetem per Islanden.

Degjimi i 26 komisionereve te percaktuar per kolegjin e ri zgjat  deri ne 19 janar. Nese te gjithe kalojne me sukses provimin, Parlamenti Europian do t’i votoje si nje trup i vetem ne seancen plenare te 26 janarit, date pas se ciles Kolegji i ri nen drejtimin e Hoze Manuel Barrozos nis mandatin 5-vjecar.

Top Channel