Obot, mes banoreve te permbytur

06/01/2010 20:20

U be tashme e pese dite qe fshati Obot i komunes Ana e Malit, me rreth 130 shtepi gjendet plotesisht i izoluar nga uji ashtu si e gjithe zona perreth. Pavaresisht thirrjeve te kryeministrit Sali Berisha, por edhe te disa institucioneve shteterore, nje pjese e banoreve te Obotit kane refuzuar evakuimin duke vazhduar te jetojne ne shtepite e permbytura. Ata nuk terhiqen edhe perballe paralajmerimit per evakuim me force ne rast se rreziku do te rritet.

Lumi Bune eshte vija ndarese mes fshatit Obot zones tjeter te Ultesires se Shkodres. E vetmja menyre per te shkuar ne fshat jane varkat me motor, por edhe ato e perballojne me veshtiresi rrymen e forte te lumit.

Ne fshat gjithcka eshte nen uje. Shume shtepi jane permbytur plotesisht e megjithate banoret nuk pranojne te largohen. Ndonje prej tyre eshte strehuar tek fqinji duke mbajtur ne kete menyre shtepine dhe bagetine nen kontroll, qe sic te thone banoret eshte e vetmja e ardhur per ta teksa prodhimet bujqesore jane shkaterruar plotesisht.

Ne fshat shtepite duken si te mbira mes nje liqeni. Disa banesa jane ndertuar ne lartesi nga toka, pasi banoret duket se jane pergatitur per situata te tilla.

Fshati Obot eshte i izoluar jo vetem jashte territorit te tij nga permbytjet e shumta, por edhe perbrenda shtepive kalimi behet i pamundur pa varka. Sic shihet edhe nga pamjet thellesia ne vende te caktuara arrin deri ne brez.

Ne zona te caktuara te fshatit, ne varesi te terrenit, thellesia behet edhe me e madhe, ndersa demet materiale ne cdo shtepi jane te pallogaritshme. Vete banoret shprehen mosbesues se qeveria do t’i demshperbleje per te gjitha, kjo eshte nje tjeter arsye per te cilen ata nuk largohen nga shtepite e tyre.

Teksa afrohet mbremja temperaturat zbresin edhe me shume, ndersa prurjet shtohen. Largohemi nga Oboti ku banoret jane te gatshem te perballen edhe me rrezikun per jeten e tyre, por sic te thone ata duke luftuar per ate pasuri qe kane e jo duke rrezikuar qe te mbesin me pas ne mes te kater rrugeve.

Top Channel