Shkoder, situata ende e rende, 200 shtepi te izoluara

Shirat e rrembyer dhe hapja e kaskadave te Drinit ka zhytur ne uje shume shtepi dhe zonat me problematike jane, Shirqi, Oboti, Bahcalleku, Ajasemi si dhe Dajci.

Ne Obot rreth 130 shtepi jane te izoluara plotesisht dhe asnje prej familjeve nuk deshiron te largohet. Gjithashtu, ne Ajasem jane bllokuar 30 shtepi, ne Bahcallek 10 dhe ne Dajc 30.

Nderkohe qe Shtabi i Emergjencave ka regjistruar rreth 70 familje te shperngulura ne zonen e Obotit ku situata eshte me e rende dhe rreth 150 banesa jane ende nen uje, me gjithe nderprerjen e reshjeve. Te shperngulurit kane shkuar prane familjareve te tyre dhe shume pak ne ambjentet e hapura nga emergjencat civile.

Jane rreth 420 banesa ne zonen e dajcit dhe fshatrat e tjera e tjera perreth, por vetem 50 familje jane shperngulur prane familjareve te tyre. emergjencat civile kane shperngulur 130 persona te komunitetit rom qe banojne ne nje zone te ulet ne lagjen Bacallek te Shkodres. Mesohet se ata jane cuar per t’u strehuar ne ambjentet e ish repartit ushtarak ne Melgushe, disa kilometra me tej.

Sipas te dhenave te deritanishme, ne Shkoder jane evakuar 130 persona, ndersa 3 familje ne Dajc. 3500 ha eshte siperfaqja e tokes se mbuluar nga ujerat ne kete rreth, ndersa numerohen rreth 200 banesa te izoluara nga ujerat.

Top Channel