Shkollat 9-vjeçare, ne proces akreditimi
31/12/2009 10:20
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ne siten e renditjes se cilesise lidhur me mesimdhenien dhe mesimnxenien nuk do te jene vetem universitetet e vendit. Dje ne ditet e fundit te vitit 2009, ministri i Arsimit, Myqerem Tafaj, ka bere nje rezyme te te gjitha projekteve dhe risive qe do te pesoje sistemi arsimor ne vitin e ardhshem.
Nje nga deklaratat me te rendesishme dhe ambicioze te bera nga numri nje i arsimit dje, ishte edhe akreditimi i shkollave te mesme, veç fakulteteve ne te gjithe vendin, si te sistemit publik ashtu edhe atij privat.
Shkollat e arsimit parauniversitar ne vitin 2010 do t’i nenshtrohen vleresimit te PISA (standard nderkombetar), struktura e organizates OECD (Organizata per Bashkepunim dhe Zhvillim Ekonomik). Ky standard, konfirmoi Tafaj, do te vleresoje nivelin e te gjitha shkollave dhe diferencat midis tyre.
Ndersa ne lidhje me sistemin e matures, ministri pohoi se nuk do te kete ndryshime esenciale. I vetmi detaj i diskutuar lidhur me ndryshimet e Matures Shteterore ka qene lenda e anglishtes. Duke qene se vendi yne eshte kandidat per hyrjen ne Bashkimin Europian, gjuha angleze do te jete aq prioritare sa do te futet si provim me detyrim ne Maturen Shteterore ne vitin 2013.
Universitetet
Ne funksion te cilesise ne arsimin e larte eshte nenshkruar kontrata, me vlere 250 mije dollare, me agjencine gjermane te akreditimit DAAD (Shkembimi Akademik Gjerman). Kjo agjenci do te realizoje ne fazen e pare nje vleresim te standardeve te zbatimit te Kartes se Bolonjes. Mbi bazen e ketij produkti do te shpallet edhe faza e dyte per te realizuar klasifikimin e diplomave te universiteteve publike dhe private. “Objektivi yne eshte qe lista e klasifikimit te universiteteve te jete gati brenda shtatorit 2010”, deklaroi ministri.
“Ne vitin 2010, universiteteve private do t’u hiqet TVSH, sipas vendimit te fundit nga Keshilli i Ministrave. Per te mbeshtetur arsimin privat, MASH ka krijuar nje drejtori te posaçme, e impenjuar per t’i krijuar lehtesira arsimit te larte privat”, sqaroi ministri i Arsimit, Myqerem Tafaj.
Ligji i arsimit te larte
Qe me 1 janar universitetet do te bejne hapin e pare drejt rritjes se autonomise financiare. Tafaj deklaroi se te ardhurat e tyre do te planifikohen nga universitetet pa asnje nderhyrje nga Ministria e Arsimit dhe Shkences apo Ministria e Financave. Kjo pjese e te ardhurave te universiteteve, sipas ministrit, ze rreth 30% te buxhetit ne total. Sipas Tafajt, Ministria e Arsimit dhe Shkences do te jete nje institucion politikeberes dhe strukturave te saj do t’u delegohen kompetenca dhe pergjegjesi per investime.
Ai deklaroi se sfida aktuale e universiteteve do te jete sistemi i financimit, qe do te jete gati ne vitin 2010. Brenda gjashte muajve te 2010 do te behen disa ndryshime ne ligjin e arsimit te larte. “Ndryshimet do te konsistojne ne titujt e diplomave, klasifikimin e tyre”, tha Tafaj, sipas te cilit do te kete studime bachelor, mastera profesionale dhe doktorature. Nje risi ne vitin tjeter do te jene edhe masterat e veçante dyvjeçare qe do ta çojne studentin per ne doktorature.
Top Channel
