Tkurret me tej volumi i tregtise se jashtme

27/12/2009 10:00

Renia e xhiros se eksporteve shqiptare u lehtesua disi gjate muajve tetor-nentor te ketij viti, por renia e importeve vijoi te thellohej, behet e ditur nga te dhenat statistikore te perpunuara nga Banka e Shqiperise.

Eksportet rane me 9 per qind ne tetor dhe 6.3 per qind ne nentor, renie kjo shume me e ulet se sa ajo e pare gjate pjeses tjeter te vitit, duke shenuar nje lajm relativisht pozitiv.

Por, nga ana tjeter, importet rane me 21.4 per qind ne tetor dhe 12.8 per qind ne nentor, reniet me te forta te shenuara kete vit. Renia e importeve deshmon veçanerisht tkurrjen e kerkeses se brendshme ne ekonomi dhe renien e investimeve publike e private gjate muajve te fundit.

Shqiperia importoi 2.94 miliarde euro mallra gjate periudhes janar-nentor, ndersa pati importuar 3.22 miliarde euro ne te njejten periudhe te vitit te kaluar.

Nje pjese e renies se importeve gjate periudhes janar-shtator i dedikohej renies se çmimeve te lendeve te para ne tregun nderkombetar. Por renia gjate muajve tetor dhe nentor i dedikohet drejtpersedrejti uljes se volumit te importeve.

Gjate muajit nentor u importuan ne vend 275 milione euro mallra, importet me te uleta te shenuara per kete muaj qe nga viti 2006.

Gjate periudhes janar-nentor, Shqiperia eksportoi 713 milione euro mallra, me renie 17.2 per qind ne krahasim me te njejten periudhe te vitit 2008 kur u eksportuan 861 milione euro mallra.

Renia e eksporteve ka shkaktuar pushime masive nga puna ne sektorin e prodhimit te veshjeve dhe kepuceve, te cilat perbejne edhe 60 per qind te eksporteve totale te vendit.

Kompanite e ketij sektori kane raportuar 10 mije vende pune te mbyllura gjate ketij viti nga 100 mije vete qe kishin te punesuar ne fund te vitit 2008.

Top Channel