PS: Vendi deficit nga korrupsioni

Sipas deputetit Erjon Brace keto borxhe ta marra nga qeveria duke shkelur kushtetuten, ligjin per buxhetin e shtetit dhe duke anashkaluar kuvendin do te perdoren per te mbushur gropat e krijuara nga korrupsioni marramendes i qeverise Berisha.

“Dje Qeveria dhe Sali Berisha vendosen te marrin serish borxh: Jo per rrogat e dhjetorit, as per te kompesuar gjysma gjasme shperblimet, as fare per te paguar pagat e prapambetura per me te varferit: invalidet, te papunet. Dje Qeveria dhe Sali Berisha vendosen te marrin serish borxh:  Per faturen e borxheve elektorale qe u perpine ne skemen kriminale te Sokol Olldashit perbere nga qindra kantiere vizuale, por pa vepra. Per faturen e tenderave te korruptuar, ku zyrtaret e Qeverise kane hisen e tyre, si kosto shtese ne çdo tender, kthyer tashme ne element thelbesor ne Republiken e rryshfetit qe Sali Berisha administron”, tha Brace.

Ne mbeshtetje te akuzave te tij deputeti Brace ka marre si shembull faturen e blerjes nga ana e qeverise e mbi 300 makinave per nje sere institucionesh ne 16 lote me vleren 5,3 milione dollare.

Zoti Brace theksoi se ne korrik qeveria dhe ministria e brendshme kane hapur tenderin. Por sipas tij ne tetor APP ka vendosur anullimin e procedures se tenderimit per lotin 1 qe ishte edhe me i madhi ne tender me vleren 4 milione dollare, pasi nuk plotesonte kushtet e gares. Vendim te cilin sipas Braces APP e ka shkelur vetem pak kohe me pas duke e shpallur fitues ate qe kish shpallur te jashteligjshme.

“Ky eshte skandali, i rradhes, i Sali Berishes, i paguar gjithnje si kosto korruptive nga parate e taksave te qytetareve, i munguar per qytetaret si paga e shperblime, por jetik per Familjen qe na qeverise si pasuri e madhe e paligjshme.  Pikerisht per kete, tani qe kazani i qelbur i Ministrise se Brendshme, per te lare hesapet mes tyre, u hap, ne kerkojme thellimin e hetimeve edhe per kete tender me vlere kaq te madhe!”, perfundoi Brace.

Top Channel