Edhe karburantet me kasa

24/12/2009 16:05

Pas shume debatesh dhe shtyrje te afateve, tatimet kane arritur me ne fund te hedhin hapin e pare konkret te pajisjes se karburanteve me kasa fiskale.

“Ky eshte nje proces qe sapo ka nisur, eshte shume teknik dhe nuk mund te vendoset per pak kohe”, u shpreh Bledar Balla, drejtor ekzekutiv i AED-se.

Por karburantet nuk jane bizneset e vetme qe do pajisen me kasa. Ligji detyron te gjitha bizneset pjese e TVSH-se, qe brenda 31 dhjetorit te instalojne pajisjet fiskale. Drejtori i Tatimeve, Artur Papajani sqaron se procesi po ecen me ritme te larta.

“Ne gjithe territorin jane shitur rreth 5350 pajisje fiskale dhe ky numer duhet te arrije ne 8 mije, duke marre parasysh subjektet e detyruara per te patur kasa fiskale”, u shpreh Papajani.

Kreu i tatimeve thote se kete here procesi i pajisjeve me kasa eshte i pakthyeshem duke leshuar edhe nje paralajmerim per bizneset e duke i terhequr vemendjen se nuk behet fjale per ligjin antiduhan.

Per te nxitur konsumatoret qe te marrin kupona per cdo blerje qe bejne tatimet thone se do te organizojne nje llotari kombetare, periodike mbi bazen e numrave te kuponave, ku qytetaret mund te kene mundesi te fitojne dhurata te ndryshme

Top Channel