Shqiperia merr sot pyetesorin e BE-se

Mesohet se ne oret e mesdites, do te jete ambasadori i delegacionit te Komisionit Europian ne Tirane, Helmut Lohan, ai qe do t’i dorezoje Berishes dosjen me pyetje. Burimet sqarojne se niveli i perfaqesimit te zyrtareve te Komisionit Europian mbetet vetem ne kuadrin e ambasadorit dhe nuk do te kete pjesemarres nga Brukseli.

Nje praktike kjo disi e ndryshme nga i njejti proces i ndjekur me pare ne rastin e Malit te Zi dhe Maqedonise. Mungesa e zyrtareve te larte duket si nje mesazh i forte i Komisionit Europian per klasen politike shqiptare dhe krizen e krijuar pas zgjedhjeve te 28 qershorit.

Faktori nderkombetar ka kerkuar qe prej shtatorit qe palet te ulen ne tavoline dhe te dialogojne per te kapercyer ngercin e krijuar. Ne te kundert zyrtaret europiane kane paralajmeruar qartazi se rruga e Shqiperise drejt procesit integrues eshte ne pikepyetje.

Presidenti i Komisionit Europian, Romano Prodi, dorezoi me 1 tetor 2004 ne Shkup pyetesorin. Ai permbante rreth 4,000 pyetje, te cilave do t’u pergjigjeshin rreth 1,000 anetare te personelit te ministrive. Me 23 korrik 2009, komisioneri europian per zgjerim, Olli Rehn, gjate vizites se tij ne Mal te Zi, i dorezoi lidershipit te vendit pyetesorin e Komisionit Europian. “Besoj se Mali i Zi eshte ne fakt shembull shume i mire se si nje vend i vogel ka sukses ne integrimin europian”, deklaroi Rehn.

Ne rastin tone duket qartazi se zyrtaret e larte europiane kane dashur t’i japin mesazh te qarte Tiranes zyrtare se punet nuk jane duke shkuar sic duhet.

Vetem pak dite me pare, i pyetur se c’kuptim ka perseritja e mesazhit per nje dialog konstruktiv politik, kur partite kryesore ne Shqiperi mbajne qendrime ekstreme, duke ashpersuar gjuhen ndaj njera-tjetres, ministri suedez, Karl Bildt, vendi qe mban Presidencen e BE-se, u pergjigj se politikanet shqiptare duhet te ulen ne tryeze qe te arrijne marreveshje mbi mosmarreveshjet, nese duan ta integrojne vendin ne Bashkimin Europian.

“Per sa i takon gjendjes se dialogut politik ne Shqiperi, situata eshte e erret per momentin. Une do t’u beja apel lidereve ne Shqiperi qe te pranojne se per ta cuar kete vend perpara, ata duhet te ulen. Mund te mos bien dakord ndonjehere, por duhet marreveshje per ta cuar vendin perpara”, theksoi Bildt ne emer te Presidences se BE-se. Shqiperia aplikoi per statusin e vendit kandidat per ne Bashkimin Europian me 28 prill te vitit 2009. Kryeministri i Shqiperise udhetoi drejt Prages, duke shenuar keshtu nje hap tjeter perpara ne udhetimin e vendit tone drejt integrimit europian.

Top Channel