Bashkia: Tirana ‘po vishet’ per festa

Bashkia tha se kryeqyteti do te kete te gjithe infastrukturen e nevojshme dekorative dhe argetuese.

„Bashkia e Tiranes pavaresisht problemeve me buxhetin,  shkaktuar nga qeveria, ka filluar prej ditesh dekorimin e qytetit me rastin e festave te fundvitit. Vertet po perdoren pjese te dekorit te nje viti me pare, per shkak se fondet e pushtetit vendor po cungohen dita – dites nga qeveria, por Bashkia e Tiranes, ashtu sikurse nuk le asnje dite pa pastruar qytetin, ashtu sikurse nuk le asnje dite pa u kujdesur per kopshtet, shkollat, rruget e gjelberimin, edhe kete fundvit nuk do te lere Tiranen pa festuar festat”, tha Albana Kociu, drejtoreshe e Puneve Publike ne bashki.

Sipas saj, ‘perveç rrugeve te dekoruara kete vit, Tirana do te ndjeje festen permes aktiviteteve  kulturore te ngjashme me metropolet e tjera europiane. Nje cirk gjigand, me 100 nga akrobatet me te mire te botes po vendoset ne sheshin “Nene Tereza” per te performuar deri ne muajin janar’.

“Ne sheshin ‘Skenderbej’ pista e akullit, rrethuar nga nje panair festiv do te jete e hapur per te gjithe qytetaret, gjate gjithe periudhes se festave.  Shume surpriza te tjera do te ndodhin ne kryeqytet, per te kenaqur te gjitha moshat”, tha Kociu.
“Pa dashur te prishim atmosferen e diteve vijuese, por duke  mos i lejuar askujt te perbalte ato pak dite te lumtura te femijeve tane, i bejme apel bogdan – tellalleve, te mos perdorin dhe festat per politiken e tyre te perbaltjes”, tha Kociu.

Top Channel