Bashkite, protesta kunder qeverise
03/12/2009 20:15
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Protesta e punonjesve te bashkive qe drejtohen nga PS hyri sot ne diten e saj te dyte. Ne Vlore, Durres, Korce e Elbasan, drejtuesit e qyteteve pershkruan edhe njehere ate qe e cilesuan si “situate asfiksuese te krijuar nga qeveria kunder pushtetit lokal”.
“Te gjitha keto vendime shkojne ne dem te cilesise se sherbimeve, qe ne jemi te detyruar te ofrojme per qytetaret tane. Bashkia nuk eshte nje institucion politik, por nje institucion i familjeve te Korces. Ne do mundohemi te bindim qeverine”, ka deklaruar kryetari i bashkise se Korces, Niko Peleshi.
Edhe ne Elbasan nenkryetari i bashkise, Dritan Cepa gjate fjales se tij akuzoi qeverine per cenim te kartes se autonomise lokale te Keshillit te Europes.
“Qeveria po shkel kompetencat duke nxjerre ligje te papranueshme. Ajo po nderhyn ne punen tone duke e cenuar ate”, ka pohuar Cepa.
Ndersa ne Durres, kryetari i bashkise Vangjush Dako, pershkroi situaten ekonomike dhe gjendjen e biznesit pas vendimeve te fundit te qeverise per kalimin si tatimpagues te medhenj te mijera sipermarrjeve te qytetit.
“Nga kjo skeme bashkia e Durresit ka nje humbje prej 30 milione lekesh ne vit, shume e barabarte me 5% te buxhetit te pergjithshem te bashkise se Durresit”, ka saktesuar Dako.
Zoti Dako u shpreh se kete vit bashkia do te humbase 2 miliarde leke qe do te shkonin per investime dhe per paga e sigurime shoqerore.
Top Channel
