Rama: Transparence ose zgjedhje te parakohshme
13/11/2009 18:55
Tornitor prej 62 vitesh! Historia e 78-vjeçarit nga Vlora që e ka shndërruar një dhomë të shtëpisë në ofiçinë 12/05 20:39
Kryetari i Partise Socialiste, Edi Rama u ka bere thirrje shqiptareve te mblidhen ne 20 nentor per te detyruar kryeministrin te beje transparencen e zgjedhjeve te 28 qershorit.
Ai ka deklaruar nga qyteti i Vlores, ne protesten e radhes te opozites, se vendi do te shkoje ne zgjedhje te parakohshme nese nuk hapen kutite.
“Berisha u tha dje shqiptareve qe te gezohen se vizat nuk jane liberalizuar. Se duhet te jene te lumtur se ndryshe nga e gjithe bota jo vetem nuk ka krize ekonomike, por eshte vendi me i varfer ne Evrope. Kjo eshte shembelltyre fyese per cdo shtetas shqiptar”, tha Rama.
“Ai u tha dje shqiptareve nga kutia e mbyllur e parlamentit se Shqiperia po pasurohet, nderkohe qe cdo familje shqiptare po ecen perpara endekut te krizes ekonomike duke mos mbyllur dot muajin, duke mos paguar dot ushqimet, dritat, ilacet dhe librat e femijeve te tyre”, shtoi kreu i PS-se.
“Do te fundosesh me turp ne batakun qe po e fut perdite Shqiperine, por kete here Shqiperia nuk do te fundoset bashke me ty. Po nuk hape kutite do te duhet te largohesh me zgjedhje shume te parakohshme Sali Berisha. Ky eshte vetem fillimi i fundit te pandalshem te Sali Berishes nese nuk hap kutite e 28 qershorit”, theksoi Rama.
Per here te pare me protesten e opozites eshte bashkuar edhe kreu i PDK-se Nard Ndoka i cili ka deklaruar se “qeveria e ngritur mbi vjedhjen e votes te largohet sa me shpejt”.
“U bej thirrje qe me 20 nentor ne Tirane t’i japim fund kesaj klike dhe te tregojme se shqiptaret kane force per te kerkuar voten e tyre. Kjo eshte nje mazhorance qe ka ardhur momenti te bllokohet dhe kjo bllokohet vetem me ane te protestes ne Tirane”, tha Ndoka.
Nderkohe kreu i PLD-se, Spartak Ngjela ka theksuar se duhet t’i jepet fund tiranise ne Shqiperi.
“Te jeni aktiv ne kete rrezim perfundimtar te tiranise ne Shqiperi qe eshte data 20 nentor. Ne sot drejtohemi nga nje kryeminister uzurpator si Sali Berisha”, tha Ngjela.
Ndersa kreu i PSD-se, Skender Gjinushi ka deklaruar se shqiptaret nuk votuan per korrupsionin.
“Ju nuk votuat qe te trimfoje korrupsioni, qe te rrihen gazetaret, qe te vidhet nafta e Ballshit dhe toka e Orikumit. Ju nuk votuat te qeveriseni nga ministra te pandehur”, tha Gjinushi duke bere thirrje per pjesemarrje ne protesten e 20 nentorit ne kryeqytet.
Top Channel
