Deputete te Partise Socialiste, pas shume akuzash nga mikrofonat e selise roze, udhetuan sot drej Kalimashit per te mesuar me shume per defektin ne tunel.(UPDATE)
Ata kerkuan shpjegime per defektin, kohen e riparimit dhe afatin e perfundimit te vepres. Pas disa minutash ne hyrje te tunelit te Thirres mberriti menxheri i kompanise, Darren Morty per t’u takuar dhe biseduar me deputetet socialiste, te cilet kerkuan nje sere shpjegimesh prej tij.
I gatshem per te dhene cdo hollesi rreth defektit, zoti Morty sqaroi deputetet se ka nje shembje te masivit ne kilometrin e dyte, ne mesin e tunelit, ku perberja gjeologjike eshte e ndryshme dhe se ekspertet po punojne per studimin gjeologjik te kesaj pjese, dhe se po operohet ne menyre te detajuar.
Por biseda kulmoi me ngulmimin e deputeteve, te cilet kerkuan te dine nese jane respektuar afetet e kontrates gjate punimeve.
“Kontrata e kompanise “Bechtel-Enka” me qeverine eshte qe ta mbaroje veren e ardhshme. Per momentin me kete qe ndodhi une nuk mund te jap nje date fikse. Por ne synojme te zgjidhim problemin”, ka deklaruar menaxheri.
I pyetur nga deputeti i zones Asllan Dogjeni nese ka qene kompania “Bechtel-Enka” pjese e vendimit te nxituar, per te perfunduar tunelin ne qershor ne prag te zgjedhjeve, zoti Morty dha kete pergjigje:
“Ne kemi klientin tone qe eshte Drejtoria e Rrugeve dhe per riparimin e tunelit kemi marre te gjithe ekspertet”.
Por nuk vonoi shume dhe me pas eshte regjistruar nje sherr mes disa punetoreve dhe deputeteve te opozites, te cilet hodhen serish akuzat per korrupsion ndaj ministrit aktual dhe atij paraardhes te Transporteve.
“Ajo eshte skena e rrezimit te tunelit. Perpjekjet per te fshehur korrupsionin e radhes kane bere qe ne te shohim kete lloj demi per qytetaret shqiptare”, ka deklaruar deputeti Erjon Brace.
Ndersa kolegu i tij Namik Dokle u shpreh se, “me mbylljen e dosjes se ish-ministrit Basha eshte mbyllur edhe tuneli”.
Top Channel
