Devis Mukaj: Jam ketu per te rikthyer Tiranen

“Jam ketu per ta nxjerre Tiranen nga kjo gjendje”, thekson ai. Mungesa e tij ishte ndjere shume ne kete fillim kampionati. Aktivizimi i tij ndaj Teutes duket se ia lehtesoi punen Tiranes ne fitoren 2-0.

Tifozet e duartrokiten ate personalisht kur u zevendesua ne minuten e 82-te, por gjate gjithe ndeshjes kane ofenduar pjesen tjeter te lojtareve per paraqitjen jo te mire gjate ketij fillimi sezoni. Kjo e fundit e prekur disi kapitenin, i cili u ben thirrje tifozeve ta mbeshtesin skuadren edhe ne dite te veshtira, jo vetem ne te bukurat, ndersa konfirmon se objektiv mbetet vetem titulli, nga i cili nuk do te heqin dore deri ne fund.

“Teuta luajti e vendosur mire dhe kur nje skuader luan gjate gjithe kohes ne mbrojtje, eshte e veshtire te fitosh, sqaron kapiteni episodet e lojes. Vonesa e golit te pare na solli disa veshtiresi ne funksionimin e lojes. Por pasi shenuam golin e pare, kishim gjithçka nen kontroll. Mund te them se ky ishte nje trepikesh mjaft i rendesishem per vazhdimesine, nisur dhe nga fakti se Dinamo u ndal ne Korçe. Tani ndjehemi me te qete dhe kemi besim se do ta ngushtojme diferencen e pikeve jave pas jave, deri sa te kapim kreun. Trepikeshi i fundit eshte shpresedhenes.

Mos harrojme se ne javet e ardhshme na kthehen titullaret e tjere te munguar, keshtu qe behemi me te forte. Edhe loja do te permiresohet, por gjithçka kerkon kohen e duhur. Rendesi ka qe beme kthesen”, shprehet Mukaj.

Per kapitenin, tifozet jane nje pjese e rendesishme e klubit. Vlonjati ka besim se tifozet do te vijojne ta mbeshtesin ekipin. “Tifozet jane pjese e rendesishme e suksesit tone. Ndonjehere na kritikojne, ne menyren e tyre, por ne fund s’kane si te mos na pergezojne kur ne fitojme ndeshjet. U premtoj se kjo Tirane eshte per titull dhe do te luaje deri javen e fundit me kete qellim”, perfundoi kapiteni bardheblu.

Top Channel