Masakra e Qafe Gjashtes, deshmojne 5 persona

23/09/2009 19:45

Kane deshmuar ne sallen e Gjykates se Krimeve te Renda 5 qytetare nga Saranda, te thirrur nga prokuroria per te dhene detaje mbi ngjarjen e vitit 1997, ku polici Gjergj Mehmeti u vra dhe u dogj dhe agjenti tjeter Edi Aliaj u mbaj peng dhe u keqtrajtua per disa dite me radhe.

Deshmitari i pare i tha gjykates se nuk kishte qene ne vendin e njohur si Qafe Gjashta, por kishte degjuar nga te tjere per cfare kishte ndodhur atje, kur grupi i policeve ra ne priten e turmes se armatosur duke viktimizuar dy prej policeve.

Nderkohe nje ish-punonjes policie pohoi se nuk dinte gje per ngjarjen ne fjale, ashtu sikurse Katerina Memo me profesion kuzhiniere, e cila pohoi se gjate 97-es i kishte cuar ushqim ne spital Eduart Alise, kur ai mbahej peng ne spital.

Po keshtu nuk dinte gje per ngjarjen as Sokrat Cakalli, qe tha se i njihte te gjithe te pandehurit thjesht se ata ishin sarandiote.

Nderkohe, situata eshte tensionuar me marrjen e deshmise se Kujtim Zumes. Ai ne salle pohoi se nuk mbante mend asgje cfare kishte thene ne polici, se kishte qene i dehur, nuk dinte te shkruante dhe firma i ishte marre me dhune nga policia.

Avokatet mbrojtes kerkuan qe deshmia e tij te mos merrej parasysh nga gjykata, por kjo kerkese nuk u mor parasysh.

Top Channel