Sezoni i ri, shkollat e vendit hapin dyert

Rreth 80 mije vogelushe do te ulen per here te pare ne bangat e shkolles, ndersa 650  mije nxenes do te nisin ciklin parauniversitar.  Ne diten e pare te shkolles, nxenesit dhe prinderit nuk do te mendojne per asgje tjeter vec se urimet, udhezimet dhe emocionet e celjes se vitit shkollor.

Syte e femijeve dhe gjimnazisteve do te jene te perqendruar tek objektivat e arsimit dhe permiresimit te vazhdueshem. Per pjesen tjeter “teknike” do te kujdeset Policia e Shtetit. Policia e Tiranes, me rastin e fillimit te vitit te ri shkollor, ka marre masa per forcimin e rendit e sigurise publike, prane qendrave studentore dhe shkollat e te gjitha niveleve.

Strukturat e Drejtorise se Policise se Qarkut Tirane, me rastin e fillimit te vitit te ri shkollor 2009- 2010, ne zbatim te detyrave te percaktuara nga Drejtoria e Pergjithshme e Policise se Shtetit kane marre te gjitha masat e nevojshme per sigurimin e rendit dhe te qetesise, prane territoreve ku do te kalojne sot nxenesit ne kryeqytet.
Strukturat e Policise se  Tiranes kane njoftuar dje zyrtarisht se jane angazhuar per te marre masa te plota per organizimin dhe drejtimin e sherbimeve te policise, ne interes te garantimit te rendit e qetesise publike dhe zhvillimit normal te procesit mesimor ne shkollat e te gjitha niveleve ne Qarkun e Tiranes.
Per mbarevajtjen e ketij procesi mesimor jane ngarkuar me detyra patrulla e pergjithshme e policise, strukturat e hetimit te krimit, sherbimet e qarkullimit rrugor, duke bashkepunuar edhe me drejtuesit e shkollave, si edhe duke patrulluar shpeshhere ne afersi te shkollave dhe qendrave studentore, sipas juridiksionit qe ato mbulojne.

Ne diten e pare te shkolles, Policia e Tiranes do te angazhoje prane objekteve shkollore punonjes policie, te cilet do te mbajne kontakte me drejtuesit e shkollave dhe sherbimin e sigurise se shkollave qe kane ne territorin e tyre.
Sot, forcat e rendit nuk do te lejojne hyrjen e personave te tjere ne ambientet e shkollave, te cilet prishin rendin e qetesine publike. Po ashtu, sipas njoftimit zyrtar, policia do te mbaje kontakte te vazhdueshme me personelin mesimdhenes, ne drejtim te evidentimit te nxenesve problematike.
Per efekt te ruajtjes se  qetesise dhe sigurise ne shkolla forcat e rendit do te bashkepunojne me rojet private te shkollave. Nje pike tjeter e parashikuar eshte moslejimi i parkimit te automjeteve apo shitesve ambulante prane objekteve shkollore, me qellim parandalimin e aksidenteve apo shkeljeve te tjera te ligjit.

“Do te identifikojne dhe kontrollojne elementet me precedente policore, qe cenojne rendin e qetesine publike apo kane tendenca per kryerjen e veprave penale. Do te shkembejne eksperienca dhe japin mesazhe ne drejtim te luftes kunder droges, alkoolit, trafikimeve te ndryshme”, sqaroi dje zyrtarisht Drejtoria e Policise.  

Top Channel