Te ardhurat nga privatizimi dhe kredia tregtare e qeverise kane mundur te ndalin perkohesisht ngercin e mungeses se valutes ne Shqiperi.
Te dhenat e fundit te Bankes se Shqiperise tregojne se bilanci i pagesave, treguesi qe mat hyrjet dhe daljet e valutes ne vend, u mbyll per tremujorin e dyte me nje teprice pozitive prej 142 milione eurosh, duke rritur rezervat valutore te vendit.
Ekspertet thone se ekonomia mund te ishte prekur edhe me rende nga mungesa e valutes duke pare renien e forte te eksporteve, te cilat ne gjysmen e pare te vitit kane sjelle ne vend 106 milione euro me pak se sa nje vit me pare.
Por shifrat tregojne se nje tjeter ze mjaft i rendesishem i flukseve hyrese valutore, ai i dergesave te emigranteve, te pakten deri ne gjysmen e pare te vitit, nuk eshte prekur nga kriza aq rende sa mendohej.
Sipas te dhenave, dergesat rane ne gjashtemujorin e pare me vetem 6.1 per qind, ose 25 milione euro krahasuar me nje vit me pare. Por ecuria e marredhenieve financiare te ekonomise me boten mbetet gjithesesi i pasigurte.
Ekspertet thone se nese ekonomia nuk do te rifilloje te gjeneroje te ardhura nga burimet e qendrueshme si eksportet, sherbimet apo dhe dergesat nga jashte, atehere stabiliteti i monedhes nuk mund te garantohet pergjithmone permes borxhit te qeverise.
Top Channel
