Llalla: Si po i hetojme pasurite e zyrtareve

11/09/2009 08:25

Kreu i Inspektoratit te Larte te Deklarimit dhe Kontrollit te Pasurive, Adriatik Llala, deklaron se ligji per funksionimin e ketij institucioni ka nevoje per permiresime te metejshme.

Llalla thote se keto duhet te synojne krijimin e me shume hapesirave per aplikimin e sanksioneve te drejtperdrejta, jo vetem te zyrtareve, por dhe te personave te lidhur apo te institucioneve, te cilat nuk permbushin detyrimin ligjor te dhenies se te dhenave, ne respektim te afateve ligjore.

Te tilla permiresime legjislative, ne kendveshtrimin e Llalles, konsiderohen si te domosdoshme. Kreu i ILDKP ka dhene edhe detajet se si zyrtaret duhet te deklarojne pasurine e tyre dhe ate te femijeve.

“Te gjithe zyrtaret qe kane detyrimin ligjor per te deklaruar interesat private ne Inspektoratin e Larte te Deklarimit dhe Kontrollit te Pasurive kete vit jane njohur me ndryshimet e formularit te deklarimit te interesave private, sipas te cilit zyrtaret, krahas te dhenave mbi pasurine dhe detyrimet financiare te tyre, duhet te deklarojne te dhenat pasurore edhe per femijet madhore jashte certifikates familjare, si edhe gjeneralitetet e prinderve te tyre, si edhe te prinderve te bashkeshortit/es”, ka deklaruar Llalla.

Top Channel