Gripi, masa ne shkolla

10/09/2009 16:05

Mjeket e shkollave do te luajne nje rol te rendesishem per te mbajtur ne kontroll situaten gripale ne institucionet arsimore.

Dezinfektimi i shkollave, larja e herepashershme e ambienteve te brendshme, higjiena personale e nxenesve  si dhe menyrat si te mbrohen nga perhapja e virusit H1N1 jane masat e rekomanduara ne kete prag te fillimit te procesit mesimor.

Specialiste te Institutit te Shendetit Publik dhe Ministrise se Shendentesise kane udhezuar mjeket e shkollave dhe specialistet e promocionit ne te gjithe vendin se si  te veprojne per te parandaluar perhapjen e shpejte te virusit.

 “Higjiena personale dhe e ambientit duhet te jene ne nje nivel te larte. Kur ka shenja klinike te gripit, mire eshte qe nxenesit te mos paraqiten ne shkolle dhe te marrin nje kurim te kujdesshem ne ambientet e shtepise, nen udhezimin e mjekut”, u shpreh drejtori i Shendetit Publik ne Ministrine e Shendetesise, Gazmend Bejtja.

Pervec masave qe synojne te zbusin efektet e pandemise se virusit A H1N1, Ministria e Shendetsise tashme ka ne dispozicion mbi 3 milione dollare te blere vaksinen sapo ajo te dale ne treg, e cila do te jepet falas per popullsine.

Top Channel