BB: Biznes ne Shqiperi? Avantazhe dhe veshtiresi
09/09/2009 16:15
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ne raportin e saj te fundit, “Doing Business” banka thote se krahasuar me nje vit me pare Shqiperia ka permiresuar serish renditjen e saj, ndonese kete here me ritme me te ngadalta se ne 2008, ku u rendit e dyta nga dhjete ekonomite me reformatore ne bote.
Per kete vit banka e rendit Shqiperine 7 pozicione me mire se nje vit me pare.
Raporti ben nje analize te detajuar te dhjete treguesve, te cilet matin klimen e biznesit ne nje vend. Shqiperia ka avantazhe krahasuar me vendet e tjera, ne procedurat e thjeshtuara dhe kostoja e ulet per hapjen e nje biznesi dhe renditet per kete tregues ne vendin e 46 ne bote.
Dy tregues te tjere ku Shqiperia ofron avantazhe per bizneset jane lehtesia per te siguruar nje kredi dhe mbrojtja, qe u garantohet investitoreve, duke qene ne vendin e 15 ne bote.
Por ka disa tregues te tjere, ku Shqiperia ka dizavantazhe te theksuara duke u renditur ne vendet e fundit ne bote. Kaosi dhe handikapet ligjore per falimentimin, lejet e ndertimit dhe procedurat e renduara te pagimit te taksave mbeten me problematiket.
Raporti thote se ne Shqiperi nuk ka baze ligjore per te mbyllur nje biznes, ndaj e rendit vendin ne kete tregues te parafundit ne bote. Po keshtu, koha e gjate per sigurimin e nje leje ndertimi dhe numri me i madh i procedurave qe duhet te kaloje nje biznes, e rendisin Shqiperine per kete tregues te 173 ne bote.
Edhe per pagesen e taksave, nje biznesi ne Shqiperi i duhet te humbase me shume kohe sesa ne vendet e rajonit dhe ato te OECD. Edhe barra fiskale si perqindje ndaj fitimit eshte me e larte.
Ndaj banka e rendit Shqiperine ne kete tregues ne vendin e 135 ne 184 ekonomite e marra ne shqyrtim.
Top Channel
