Kanos policin, hetohet 40-vjecari

06/09/2009 08:35

Kanos dhe fyen policin e grupit te gatshem, ndiqet penalisht nje 40-vjecar nga fshati Mbrostar i Rrethit te Fierit.

Mesohet se efektivi i policise kishte nderhyre per neutralizimin e 40-vjecarit, i cili ne gjendje te dehur kishte krijuar probleme ne fshat. Ngjarja ka ndodhur mesnaten e se premtes, kur F.Tafaj, nen efektin e alkoolit, eshte grindur me disa bashkefshatar ne nje lokal. Debati ka vijuar me pas ne rruget e fshatit, duke prishur rendin dhe qetesine publike.

Banoret e zones kane njoftuar policine. Drejt vendit te sinjalizuar eshte nisur menjehere nje furgon i grupit te gatshem. Drejtuesi i furgonit, inspektori Hetem Cela, ka dale nga automjeti dhe pasi ka bere thirrje per qetesimin e situates, i ka komunikuar Tafes qe ta shoqeronte ne makinen e policise. Burime nga vendi i ngjarjes pohojne se Tafaj e ka kundershtuar Celen, duke e shoqeruar refuzimin me fjale fyese dhe kanosese. Madje, sipas tyre Tafa e ka qelluar dy here policin. Menjehere kane nderhyre efektivat e policise qe ndodheshin brenda ne automjetin policor, te cilet kane neutralizuar 40-vjecarin Tafaj.

Edhe ne brendesi te mjetit policor Tafaj ka vijuar te fyeje policet. Me pas Cela ka bere denoncim per kanosje dhe fyerje. Tafajt i eshte komunikuar akuza rreth tre ore pas prangosjes, ndersa mesditen e se shtunes, eshte vendosur qe ai te ndiqet penalisht ne gjendje te lire. Efektiva te Policise se Fierit kane qene shpesh here objekt fyerjesh dhe kanosjesh. Me te rrezikuar ndaj ketij fenomeni jane policet e qarkullimit rrugor. Kujtojme se dy jave me pare nje rrugor eshte plagosur, fyer dhe kanosur per shkak te detyres gjate sherbimit policor ne rrugen “Jani Bakalli” te qytetit, prane spitalit te Fierit.

Top Channel