Takimi Meta-Berisha, me 2 shtator

01/09/2009 08:25

Me 2 shtator fillojne zyrtarisht negociatat midis Levizjes Socialiste per Integrim dhe Partise Demokratike. Kete e konfirmoi dje publikisht Kryeministri ne detyre, Sali Berisha.

Ne oret e mesdites do te mblidhet per here te fundit qeveria ne perberjen aktuale dhe me pas do te mund te zhvillohet takimi i shumeperfolur Berisha-Meta.

Paraprakisht duket se jane qartesuar pikat e marreveshjes se pritshme per bashkeqeverisje midis dy partive. Burimet nga Levizja Socialiste per Integrim deklaruan dje se Kryeministri ka rene dakord t’i ofroje kesaj partie tre poste ministrore. Po sipas burimeve eshte rene dakord qe posti i pare te jete ai i ministrit te Ekonomise. Emri me i gatshem per te marre persiper drejtimin e ketij dikasteri eshte ai i deputetit Dritan Prifti.

Sakaq, nje tjeter kabinet ministror mesohet se do te jete Ministria e Jashtme. Kjo e shoqeruar bashke me postin e zevendeskryeministrit. Ato pritet te mbahen nga kryetari i partise, Ilir Meta. Posti tjeter ministror eshte ende ne diskutim dhe pritet te vendoset midis Ministrise se Shendetesise dhe Ministrise se Mbrojtjes. Burimet nga Levizja Socialiste per Integrim shohin si emrin me te kuotuar Petrit Vasilin. Sakaq, referuar te njejtave burime, pakti midis Partise Demokratike dhe Levizjes Socialiste per Integrim do te detajohet edhe ne postet e zevendesministrave.

Mesohet se gjate diskutimeve eshte rene dakord qe perfaqesimi ne kete nivel qeverisjeje te shkoje nga 5 deri ne 7 poste zevendesministrore. Gama e perfaqesimit ne kete nivel do te jete sipas fushave te ndryshme ku ka prioritetet programore Levizja Socialiste per Integrim. Nje prej funksionareve te LSI-se, i pyetur per kete lloj marreveshjeje ne ndarjen e “tortes qeverisese”, tha se “pothuajse kjo ndarje perben thelbin e marreveshjes mes dy partive dhe se ne mbremjen e se merkures do te qartesohet gjithçka”.

Ne komunikimin e djeshem per median, Kryeministri Sali Berisha tha se zgjedhjet nuk kane qene per Presidentin, por per Parlamentin dhe Kryeministrin. “Ai mund te prononcohej, por s’eshte prononcuar. Nuk mund te bej ndonje koment apo hamendje te veçante. Kushtetuta thote se eshte koalicioni i pare, ose partia e pare qe garanton shumicen, ata qe propozojne Kryeministrin dhe po per shkak te Kushtetutes ky propozim mund te behet dhe do te behet ne prag te mbledhjes se Parlamentit. Kushtetuta parashikon afatin 10-ditor si detyrim per Kryeministrin e ri, per te paraqitur programin ne Kuvend”, u shpreh Berisha.

Top Channel