Temperaturat, rritje 2-3 grade te merkuren

24/08/2009 08:10

Vera e ketij viti ka treguar se shprehja “gusht e gune” nuk eshte gjithmone e sakte. Sipas meteorologeve, deri ne fund te muajit gusht nuk do te kemi asnje reshje shiu, madje temperaturat nuk do te vijne duke u ulur, por duke u rritur.

Instituti i parashikimeve, Meteoalb, ka deklaruar se diten e merkure do te kemi nje rritje te temperaturave me dy grade Celsius. Ndersa sot dhe diten e marte do te kemi ulje ne krahasim me fundjaven.

Fundi i javes qe lame pas ka qene i favorshem me temperatura per plazhin e veriut, si Velipoja, ndersa per plazhin e jugut ka qene me pak. Temperaturat ne jug te vendit kane pesuar ulje me disa grade Celsius, pavaresisht se nuk jane regjistruar reshje te shiut.

Java e re do te nise kryesisht e kthjellet dhe me renie te temperaturave. Shirat e dobet do te jene prezente ne zonat malore. Era do te vijoje te fryje e lehte dhe mesatare me drejtim kryesisht veriperendimor, duke arritur shpejtesine deri ne 28 km/h, per pasoje deti do te gjeneroje dallgezim te ulet.

Temperaturat mesatare te regjistruara ne fundjave kane qene 33-34 grade Celsius. Mostrat e analizave per matjen e temperaturave mesatare jane marre ne mesdite dhe ne hije.

Por, veç temperaturave mesatare te regjistruara duhet marre ne konsiderate qe vapa dhe nxehtesia jane edhe me te forta ne diell, ne autobus, jashte makines apo ne ambiente me shume njerez, te cilet thithin shume oksigjen dhe leshojne edhe me shume dioksid karboni.

Sakaq, plazhi, pishinat apo banjat e shpeshta do te vazhdojne te pakten deri ne fund te muajit gusht. Resortet dhe vendet e pushimit, ne menyre te veçante ne jug te vendit, kane qendruar plot edhe gjate kesaj fundjave, edhe si pasoje e temperaturave favorizuese te muajit gusht.

Top Channel