Tirane, taksimetrat humbasin funksionin

21/08/2009 08:25

Taksite nuk e respektojne detyrimin per vendosjen e taksimetrave dhe paraprakisht kontrollin dhe kolaudimin e tyre ne Drejtorine e Metrologjise e Kalibrimit.

Sipas perfaqesuesve te kesaj drejtorie, vetem per kryeqytetin jane mbi 30 per qind e makinave te verdha, te cilave nuk u eshte kryer ende verifikimi i aparaturave te reja te taksimetrave, te domosdoshme per percaktimin e tarifave, qe duhet te paguajne klientet e tyre.

Nderkohe qe, perfaqesuesit e Drejtorise se Metrologjise pohojne se pa kryer verifikimin e taksimetrave prane strukturave perkatese te ketij institucioni perdorimi i tyre eshte i pavlefshem, madje edhe i jashteligjshem. Nga ana tjeter, ata sqarojne se ky proces i verifikimit te saktesise se ketyre pajisjeve duhet te ishte mbyllur prej kohesh.

Nje tjeter problem shume i madh paraqitet ai me taksite e licencuara te rretheve, ku listat e tyre ne pjesen me te madhe te rasteve nuk jane dorezuar prane kesaj strukture certifikuese.
Vendosja e taksimetrit neper te gjitha makinat taksi te licencuara eshte nje detyrim ligjor qe ata duhet ta permbushin. Tarifat e perdorimit te ketyre pajisjeve per kryeqytetin jane diskutuar dhe miratuar ne Keshillin Bashkiak te Tiranes, ndonese me shume vonese.

Perfaqesuesit e Drejtorise se Metrologjise dhe Kalibrimit, prane Ministrise se Ekonomise, apelojne per te gjithe qytetaret qe te kerkojne nje sherbim dinjitoz nga te gjitha taksite. Sipas tyre, qytetaret duhet te jene te vetedijesuar per kete fenomen dhe te kerkojne qe te paguajne sipas kilometrave te pershkruar.

Top Channel