Metalurget: Na jepni pune, ose hyjme ne greve urie
18/08/2009 08:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Metalurget e Uzines se Ferro-kromit ne Burrel kercenojne me greve urie ne rast se nuk plotesohet kerkesa e tyre per rivenien ne pune te kesaj uzine.
Petrit Frangu, kryetar i konfederates sindikaliste te minatoreve per Qarkun e Dibres, thote se per venien ne pune te uzines duhet te realizohet investimi prej 12.5 milione dollare te premtuar nga firma e huaj, por deri me tani asgje nuk eshte bere ne kete drejtim.
Nderkohe, 110 metalurget e dale te papune, pas protestave e gjyqeve maratone me firmen e huaj, kane mundur te marrin page papunesie, pra 50% te pages se tyre. Gjithsesi, kembengulin metalurget, kjo nuk eshte zgjidhje, pasi ne kemi nevoje te punojme dhe te marrim rrogat e plota, qe te mos blejme ushqime per familjet me ane te listave ne dyqane, si dhe te na njihen vitet e punes per vjetersi pensioni.
Metalurget kembengulin per t’i kthyer UFK-se pamjen qe ka pasur, duke realizuar investimet sipas kontrates se nenshkruar me qeverine. Nderkohe, kryesindikalisti Frangu kerkon qe ne ligjin per minatoret te perfshihen edhe metalurget, pasi edhe profesioni i tyre eshte i veshtire. Ne rast se nuk do te plotesohen keto kerkesa te metalurgeve, vijoi ai, atehere metalurge dhe ish-metalurge ne pension do te hidhen ne greve urie.
Kjo uzine prej gati me shume se dy viteve vazhdon te jete e mbyllur, duke lene te papune 110 punetore qe punonin ne te. Kjo ka shkaktuar mjaft probleme te veshtira ekonomike per keta metalurge dhe familjet e tyre.
Sic dihet, industria e nxjerrjes dhe pasurimit te kromit ne vendin tone i eshte dhene me koncesion firmes italiane “Darfo-Albania”, e cila deshtoi ne menaxhimin e kesaj industrie, per mungese te fuqise financiare investuese edhe pse nje gje e tille kurre nuk u deklarua zyrtarisht. Pikerisht ne kete kuader te falimentimit te kesaj firme u mbyll edhe kjo uzine e pasurimit te kromit ne Burrel.
Falimentimi i “Darfo”-s solli ne menaxhimin e kesaj uzine, ashtu si dhe ne Minieren e Nxjerrjes se Kromit ne Bulqize, firmen nenkoncesionare ruso-austriake, “Albanian Chrome ACR”. Por, sic dhe duket qarte, edhe kjo firme ka deshtuar ne menaxhimin e kesaj uzine, pasi prej me se dy viteve nuk ka mundur ta riveje ne pune ate, per mungese te realizimit te investimeve te premtuara.
Nderkohe, pronari italian, Mario Apollon, qe menaxhonte uzinen, pasi i vuri kycin asaj, u kthye ne vendlindjen e tij ne Itali, duke lene metalurget matjane ne “rruge te madhe”, sic dhe shprehen vete keta metalurge.
Top Channel
