Lushnje , pasaportat, emigrantet rrisin aplikimet

18/08/2009 08:15

Emigrantet e ardhur per pushime prane familjeve te tyre ne Rrethin e Lushnjes kerkojne qe para kthimit ne vendet e punes, te pajisen me pasaportat e reja biometrike.

Ne Rrethin e Lushnjes jane celur dy zyra per aplikimin e te interesuarve per pasaportat e reja. Operatoret e ketyre dy zyrave kane deklaruar prane institucionit te nenprefektit ne Rrethin e Lushnjes se e kane te veshtire perballimin e fluksit te shkaktuar si pasoje e ardhjes se qindra emigranteve.

“Dy zyrat e instaluara nuk e perballojne dot fluksin e larte te qytetareve dhe me te drejte operatoret e tyre kane kerkuar nderhyrjen tone”, shprehet nenprefekti Daut Sula. Perballe kesaj situate me fluks te larte aplikimesh dhe per t’u ardhur ne ndihme qytetareve, nenprefektura ka marre masa konkrete. Sipas nenprefektit Daut Sula mesohet se eshte marre mase per zhbllokimin e situates.

Qe nga dita e premte e javes se kaluar, sherbimit te aplikimit dhe pajisjes me kartat e identitetit dhe pasaportat biometrike do t’i shtohen dhe dy sportele. Nenprefekti Sula sqaron gjithashtu se orari i sherbimit ne keto sportele do te zgjatet deri ne rreth 14 ore, pra deri ne oren 21:00. Kjo behet per te perballuar fluksin e larte te qytetareve dhe krijimin e lehtesirave per pajisjen e tyre me dokumentin e ri identifikues.

Top Channel